| e-texts navigator |
| Wylie |
196a1 རྣམས་ནི་དེ་བཞིན་གཤེགས་པའི་སྙིང་པོ་ལ་འདུས་བྱས་ཐམས་ཅད་མི་རྟག་པའོ་ཞེས་སྒོམ་པར་བྱེད་དོ། ། ཤེས་རབ་ཅན་རྣམས་ཀྱིས་ནི་གཉིས་སུ་མེད་པར་ཤེས་སོ་ཞེས་གསུང
196a2 ཏེདེ་ནི་ཤེས་རབ་ཅན་རྣམས་ཀྱིས་རང་བཞིན་ཡིན་ནོ། ། བྱིས་པ་རྣམས་ནི་སངས་རྒྱས་ཀྱི་བདག་མེད་པར་འཛིན་ཏོ།། ཤེས་རབ་ཅན་རྣམས་ཀྱིས་ནི་བདག་ཡོད་པ་དང་། བདག་མེད་པར་གཉིས
196a3 སུ་མེད་ཤེས་ཏེ། དེ་ནི་ཤེས་རབ་ཅན་རྣམས་ཀྱིས་རང་བཞིན་ཡིན་ནོ།། དེ་བཞིན་གཤེགས་པའི་སྙིང་པོ་དཔག་ཏུ་མེད་པ། སངས་རྒྱས་ཀྱིས་བསྔགས་པའི་བསོད་ནམས་ཐམས་ཅད
196a4 བསྡུས་པའི་མདོ་ལས་ངས་བསྟན་ཏོ། ། བདག་ཡོད་པ་དང་བདག་མེད་པ་གཉིས་སུ་མེད་པར་གཟུང་བར་བྱའོ།། རིགས་ཀྱི་བུ་བསོད་ནམས་ཐམས་ཅད་བསྡུས་པའི་མདོ་དང་། ཤེས་རབ་ཀྱི
196a5 ཕ་རོལ་ཏུ་ཕྱིན་པའི་མདོ་ཆེན་པོ་ལས། གཉིས་སུ་མེད་པ་ལ་འཇུག་པའི་སྣང་བ་དེ་ཉིད་ལས་བདག་ཡོད་པ་དང་། བདག་མེད་པ་གཉིས་སུ་མེད་པར་ངས་བསྟན་པ་དེ་རྗེས་སུ་དྲན་པར
196a6 གྱིས་ཤིག། ། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་བཅུ་པ། དཔེར་ན་འོ་མ་ལས་ཞོ་འབྱུང་།
196a7 ལས་མར་འབྱུང་། མར་ལས་ཞུན་མར་འབྱུང་། ཞུན་མར་ལས་མར་གྱི་ཉིང་ཁུ་འབྱུང་ན། དེ་ལ་ཅི་ཞོ་དེ་འོ་མའི་དངོས་པོ་དང་མགོ་མཉམ་དུ་འབྱུང་མ། འོན་ཏེ་ཞོ་རང་ཉིད་འབྱུང་ངམ།
iiif viewer powered by OpenSeadragon
