| e-texts navigator |
| Wylie |
195a1 པའི་ཚིག་མི་ཤེས་པ་རྣམས་ཀྱིས་ནི་ངའི་ལུས་ལ་བདེ་བའི་ས་བོན་དེ་ལྟ་བུ་ཡོད་བཞིན་དུ། སྡུག་བསྔལ་བར་བསྟན་པའི་ཕྱིར་རྟག་ཏུ་རྩོད་པར་བྱེད་དེ། ཐམས་ཅད་བཟུང
195a2 བས་བྱིས་པ་རྣམས་ངའི་ལུས་མི་བརྟན་ནོ་སྙམ་དུ་སེམས་ཤིང་རྟོག་པར་བྱེད་དོ། ། མི་རྟག་པ་ལ་བསྟན་ན་ནི་བྱིས་པ་རྣམས་རྫ་མཁན་གྱི་སྣོད་བཞིན་དུ་མི་རྟག་གོ་སྙམ་དུ་འཛིན་ཏོ།། ཤེས་རབ་ཅན
195a3 རྣམས་ཀྱིས་ནི་ངའི་ལུས་ལ་ཆོས་ཀྱི་སྐུའི་ས་བོན་དེ་ལྟ་བུ་ཡོད་དོ་སྙམ་དུ་ཤེས་པས་ཐམས་ཅད་འཛིན་པར་མི་བྱེད་དོ། ། བདག་མེད་པ་བསྟན་ན་ནི་བྱིས་པ་རྣམས་བསྟན་པ་བདག་མེད་དོ་སྙམ་དུ་འཛིན
195a4 ཏོ། ། ཤེས་རབ་ཅན་རྣམས་ཀྱིས་ནི་ཐ་སྙད་དུ་ཡོད་དོ་སྙམ་དུ་ཤེས་ཏེ་ཐེ་ཙོམ་མེད་དོ།། དེ་བཞིན་གཤེགས་པའི་སྙིང་པོ་ནི་སྟོང་པ་ཡིན་ནོ་ཞེས་བསྟན་ན་ནི། བྱོས་པ་རྣམས་ཆད་པ
195a5 འཇིགས་སུ་རུང་བ། ཡོན་པོ་སྒོམ་པར་བྱེད་དོ།། ཤེས་རབ་ཅན་རྣམས་ཀྱིས་ནི་རྟག་པ་དང་། བརྟན་པ་དང་། ཐེར་ཟུག་པ་དེ་སྒྱུ་མ་ཙམ་དུ་ཡོད་པར་ཤེས་སོ།། ཐར་པར་བསྟན
195a6 ན་ནི་བྱིས་པ་རྣམས་སངས་རྒྱས་རྣམས་ཀྱིས་ཐར་པ་བརྙེས་ནས་མེད་པར་འགྱུར་རོ་སྙམ་དུ་འཛིན་ཏོ། ། ཤེས་རབ་ཅན་རྣམས་ཀྱིས་ནི་སངས་རྒྱས་བྱོན་པ་དང་། གཤེགས་པ་ཡོད་པར་ཤེས
195a7 ཏེ་མིའི་སེང་གེ་བྱོན་ཏོ་ཞེས་ཟེར་རོ། ། བྱིས་པ་རྣམས་ནི་མ་རིག་པའི་རྐྱེན་གྱིས་འདུ་བྱེད་རྣམས་ཞེས་བྱ་བ་ལ་གཉིས་སུ་འཛིན་ཏོ།། ཤེས་རབ་ཅན་རྣམས་ཀྱིས་ནི་མ་རིག་པ་དང་རིག་པ་ཐ་དད་།
iiif viewer powered by OpenSeadragon
