| e-texts navigator |
| Wylie |
194b1 འདས་ཀྱིས་ནི་ཆད་པ་དང་རྟག་པ་གཉིས་ཀའི་མཐའ་སྤངས་པ་དབུ་མའི་ལམ་དུ་གསུངས་སོ། ། བླུན་པོ་རྣམས་ནི་སངས་རྒྱས་ཀྱི་གསུང་ལ་རྨོངས་ཏེ། ཕོ་བའི་དྲོད་ཆུང་བ་རྣམས་མར་ཆེར་ཟ་བ་བཞིན
194b2 དུ་མྱུར་དུ་མཐའ་གཉིས་སུ་ལྟ་བར་འགྱུར་ལ། ཡོད་ཅེས་བྱ་བའང་མ་གྲུབ། མེད་ཅེས་བྱ་བའང་མི་འཐད་དོ།། དཔེར་ན་སྨན་པ་རྣམས་ནི་མཁྲིས་པ་ལ་སོགས་པའི་ཁམས་རྣམས་འཁྲུགས
194b3 ཏེ་ཕན་ཚུན་མི་མཐུན་དུ་ཟིན་ཀྱང་མཁྲིས་པའི་ནད་ལ་ནི་མཁྲིས་པ་ཞི་བར་བྱེད། རླུང་ཤས་ཆེ་བ་ལ་ནི་རླུང་སེལ་བར་བྱེད། བད་ཀན་ལ་ནི་བད་ཀན་མེད་པར་བྱེད། ཆ་འདུས་པ་ལ་ནི
194b4 ཆ་འདུས་པའི་གཉེན་པོ་བྱེད་དེ། ཕན་ཚུན་མི་མཐུན་པར་འགྱུར་བར་ཡང་མི་བྱེད་ལ། བདེ་བའང་སྐྱེད་པར་བྱེད་པ་དེ་བཞིན་དུ། སྨན་པ་ལྟར་ཉོན་མོངས་པའི་རྣམ་པའི་ནད་མཐའ
194b5 ཡས་པ་རྣམས་མཐར་གྱིས་བསལ་ཏེ་ཡང་དག་པའི་ཁམས་ཀྱང་གསོ་བར་གྱིས་ཤིག། ཡང་དག་པའི་ཁམས་ཞེས་བྱ་བ་ནི་དེ་བཞིན་གཤེགས་པའི་སྙིང་པོ་སྟེ། སངས་རྒྱས་ཀྱི་ཁམས
194b6 ཞེས་བྱ་བ་ཡིན་གྱི། ཁམས་ཐམས་ཅད་སྤངས་ཏེ་རྟག་པ་དང་བརྟན་པ་ལ་ནན་ཏན་གྱིས་ཤིག། ཤེས་རབ་ཅན་རྣམས་ཀྱིས་ནི་ཡོད་པ་ལའང་ཆགས་པར་མི་བྱའོ།། མེད་ཅེས་བྱ་བའང་བརྫུན
194b7 དུ་སྨྲས་པ་ལས་བྱུང་བ་ཡིན་ན། ཡོད་ཅེས་བྱ་བའང་ཁ་རོག་སྟེ་ཁས་བླང་བར་མི་བྱའོ།། རྩོད་པར་ཡང་མི་བྱ་སྟེ། འདི་དག་རང་བཞིན་གྱིས་ཆོས་ཉིད་དུ་ཤེས་པར་བྱའོ།། ཐུན་པོ་ད
iiif viewer powered by OpenSeadragon
