| e-texts navigator |
| Wylie |
192b1 བ་ནི་གཡུལ་དུ་འཐབ་པ་ན་འདི་སྙམ་དུ་སེམས་ཏེ། བདག་གིས་དཔའ་བོ་ཐམས་ཅད་ཕམ་པར་བྱས་ནས་ཐམས་ཅད་བདག་ལ་སྐྱབས་སུ་འོང་བར་བྱའོ་སྙམ་དུ་སེམས་པ་དང་། དཔེར་ན
192b2 རྒྱལ་པོའི་བུ་ནི་རྒྱལ་པོ་བརྗེ་བའི་སྐབས་སུ་རྒྱལ་པོའི་བུ་ཐམས་ཅད་ལས་འདས་པར་བྱས་ཏེ་བདག་གི་རྒྱལ་པོ་བྱའོ། ། བདག་རྒྱལ་པོའི་བུ་ཐམས་ཅད་ཀྱི་མངའ་བདག་ཏུ་འགྱུར་བར་བྱའོ།།
192b3 བདག་ལ་དེ་དག་སྐྱབས་སུ་འོང་བར་བྱའོ།། བདག་གིས་དམན་པའི་སེམས་བསྐྱེད་པར་མི་བྱའོ་སྙམ་དུ་སེམས་པ་ལྟ་བུ་སྟེ། དཔའ་བོ་རྣམས་དང་། རྒྱལ་པོ་དང་། བློན་པོའང་རུང
192b4 སྟེ་ཤིན་ཏུ་མཆོག་ཏུ་གྱུར་པས་ཁྱད་པར་དུ་འཕགས་པ་དེ་ལྟ་བུའི་རང་བཞིན་ཅན་རྣམས་ནི་རང་གི་ཡོན་ཏན་དང་འཚམ་པའི་བྱ་བ་སྒྲུབ་པར་བྱེད་དོ། ། རིགས་ཀྱི་བུ་དེ་བཞིན་དུ་བྱང་ཆུབ
192b5 སེམས་དཔའ་སེམས་དཔའ་ཆེན་པོ་ནི། གཞི་གསུམ་ལས་འདས་པར་འགྱུར་བའི་སེམས་དང་ལྡན་པ་ཡིན་ནོ།། དེ་བས་ན་རྒྱལ་པོའི་བུ་དང་དཔའ་བོ་བཞིན་དུ་མི་འཇིགས་པར་སྙིང
192b6 སྟོབས་སྐྱེད་ཅིག་དང་། ངས་གཞི་གསུམ་ཐ་དད་པ་མེད་པ་དང་། གསུམ་གྱི་ནང་ན་དེ་བཞིན་གཤེགས་པ་དམ་པ་ཡིན་པར་ངས་བསྟན་ཏོ།། ལུས་ཐམས་ཅད་ཀྱི་ནང་ན་མགོ་བོ་གཙོ་བོ་ཡིན
192b7 པ་དེ་བཞིན་དུ། སངས་རྒྱས་ཉིད་གཙོ་བོ་ཡིན་ལ། ཇི་ལྟར་ལུས་ལས་མགོ་བོ་གུད་ན་འདུག་པབང་མ་ཡིན། གལ་བགུད་ན་འདུག་པའང་མ་ཡིན། རྐང་བཀུང་ན་འདུག་པའང་མ་ཡིན་དེ་བཚན
iiif viewer powered by OpenSeadragon
