| e-texts navigator |
| Wylie |
191b1 འདི་ཉིད་སངས་རྒྱས་ཆོས་ཉིད་ལགས།། ཐུབ་པ་ཆེན་པོ་རྟག་ཏུ་ཡང་གཞི་གསུམ་པོ་ནི་མཉམ་པ་ཉིད།། བདུག་ཀྱང་ཁྱོད་དང་འདྲ་བར་ནི།། གནས་འདིར་བླན་མེད་པ་ལགས། ལ་མན།
191b2 བདེ་བར་གཤེགས་པས་བསྔགས་པ་སྟེ།། དེར་མཆིས་པ་ན་ཡང་དག་བཞུགས་པ་ལས།། ཀུན་ཏུ་སྤྱད་ཀྱང་དེ་ཡིས་ངེས་པར་འབྱུང་།། ལམ་འདི་བདེ་བར་གཤེགས་པས་བསྔགས་པ་སྟེ།
191b3 དེ་ཕྱིར་བདག་ཀྱང་སངས་རྒྱས་རྣམས་ཀྱི་ལམ།། ལམ་མཆོག་རྒྱ་ཆེན་འདིར་ནི་མཆི་བར་བགྱི།། གལ་ཏེ་བདུད་ནི་བདུད་རྩི་དེང་སྩོལ་ཀྱང་།། སྲིད་པ་དག་ན་བདག་ནི་སྐྱབས་མི་མཆི།། དེ་ནས
191b4 བཅོམ་ལྡན་འདས་ཀྱིས། དེ་ལ་འདི་སྐད་ཅེས་བཀའ་སྩལ་ཏོ།། ཁྱོད་བྱིས་པ་ཉན་ཐོས་ཀྱི་ཐེག་པ་པ་བཞིན་དུ་མ་འཛིན་ཅིག། གཅིག་པུ་ལ་སྐྱབས་སུ་སོང་ཞིག། ཡེ་ཤེས་འདི་ལ་ནི་སྐྱབས
191b5 གསུམ་མེད་དེ། ཆོས་དང་དགེ་འདུན་འདུ་བའང་མེད་དོ།། སངས་རྒྱས་ཉིད་ཆོས་ཀྱང་ཡིན། དགེ་འདུན་ཡང་ཡིན་ཏེ། དེ་བཞིན་གཤེགས་པ་ཉིད་གཞི་གསུམ་པ་ཡིན་ནོ།། ཉན་ཐོས
191b6 ཀྱི་ཐེག་པ་པ་ལས་ནི་བྱིས་པ་རྣམས་ནི་འཇིག་རྟེན་པའི་ལྟ་བ་བསལ་བའི་ཕྱིར། གཞི་གསུམ་པ་བཞག་གོ།། གལ་ཏེ་ཁྱོད་འཇི་རྟེན་པ་དང་མཐུན་པར་བྱེད་ན་དེའི་ཚུལ་གྱིས་སྐྱབས་ཀྱི་གཞི་གསུམ
191b7 དུ་འགྲོ་བར་གྱིས་ལ། བདག་སངས་རྒྱས་ལ་སྐྱབས་སུ་སོང་ནས། སྐུ་གཅིག་པར་གྱུར་ཅིག། དེ་ནས་སངས་རྒྱས་ཉིད་དུ་གྱུར་ནས་དེ་བཞིན་གཤེགས་པའི་རླབས་བྱེད་པར་གྱུར་ཅིག། དེ་བཞིན
iiif viewer powered by OpenSeadragon
