| e-texts navigator |
| Wylie |
190b1 འཇིགས་མེད་པ། ། མི་མཆོག་བརྟན་པོ་དེ་དག་ནི།། ཐེག་པ་ཆེན་པོས་ངེས་པར་འབྱུང་།། འོད་སྲུངས་དེ་ལྟར་ཤེས་ནས་ནི།། བདུད་རྩི་རྟག་པ་ཁམས་ཀྱི་དབྱིངས།། དེ་ལ་དེང་འདིར་སྐྱབས
190b2 མཆོག་སོང་། ། བདུད་རྩིའི་མཆོག་གི་ཁམས་དེ་ནི།། ང་ཡི་ཁམས་ཡིན་སེམས་ཅན་ཁམས།། རྟག་ཏུ་ང་ལ་སྐྱབས་སོང་ན།། སྐྱབས་གསུམ་བདག་ཉིད་ཁམས་སུ་འགྱུར།། ང་ཡི་སྐུལ
190b3 ཁམས་ཡོད་ཀྱིས། ། བདག་ཉིད་འདི་ལ་ཁྱོད་ཞུགས་ཤིག། སངས་རྒྱས་ཆོས་དང་དགེ་འདུན་རྣམས།། ང་ཡི་ཁམས་ཀྱི་རང་བཞིན་ཏེ།། གསུམ་པོ་རིན་ཆེན་མཆོག་ཡིན་ཞེས།། བཅོམ
190b4 ལྡན་འདས་ཀྱིས་ཚིག་བཤད་གསུངས། ། གསོལ་པ། འཇིགས་མེད་ཇི་ལྟར་སྐྱབས་མཆི་ག། བདག་གིས་གློ་བར་མ་ཆུད་ལགས།། དཀོན་མཆོག་གསུམ་ཡང་མ་འཚལ་ཏེ།། བདག་མེད
190b5 ལ་ནི་ཇི་ལྟར་མཆི། ། སངས་རྒྱས་སྐྱབས་སུ་མཆི་ན་ཡང་།། ཇི་ལྟར་དབུགས་ནི་ཕྱིན་པར་འགྱུར།། ཅི་ཡི་སླད་དུ་མི་རྣམས་ནི།། ཆོས་ལ་སྐྱབས་སུ་མཆི་བར་བགྱིད།། ཅི་ཞིག་གིས
190b6 ནི་རང་དགར་འགྱུར། ། ཅི་ཞིག་གོས་ནི་མོ་འགྱུར་ལགས།། དགེ་འདུན་ལ་ནི་སྐྱབས་མཆིན།། སྐྱབས་གསུམ་མཆོག་ཏུ་ཇི་ལྟར་འགྱུར།། མ་འོངས་པ་ན་སངས་རྒྱས་ཉིད།། ཡང་དག
190b7 བདེན་པར་ཇི་ལྟར་ཐོབ། ། ཕྱི་མའི་དོན་དུ་སྐྱབས་ཀྱི་གཞི།། གསུམ་པོ་དག་ཀྱང་ཇི་ལྟ་བུ།། ཐེམ་སྐས་ལྟ་བུར་བདག་གིས་མཐོང་།། ཡེ་ཤེས་གུད་ན་གཞན་མ་མཆིས།། བུ་སྐྱེས
iiif viewer powered by OpenSeadragon
