| e-texts navigator |
| Wylie |
190a1 བསྟན་པ་ཤིན་ཏུ་རྒྱས་པ་ནི་མཆོག་ཏུ་ཆ་ཕྲ་སྟེ། བདུད་རྩིབ་མཆོག་ཀྱང་ཡིན་ནོ།། དུག་གི་མཆོག་ཀྱང་ཡིན་ནོ།། གསོལ་བ། བཅོམ་ལྡན་འདས་ཅི་ལས་དགོངས་ཏེ། ཤིན་ཏུ
190a2 རྒྱས་པ་ནི་བདུད་རྩིའི་མཆོག་ཀྱང་ལགས། དུག་གི་མཆོག་ཀྱང་ལགས་ཞེས་བཀའ་སྩལ་ལགས། བཀའ་སྩལ་པ། རིགས་ཀྱི་བུ་ཁྱོད་དགོངས་པའི་ཚིག་འདི་ཤེས་པར་འདོད་དམ། གསོལ་པ།
190a3 བཅོམ་ལྡན་འདས་དགོངས་པའི་ཚིག་གསུང་གི་མཆོག་ཤེས་པར་འཚལ་ལགས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚོགས་སུ་བཅད་པ་འདི་དག་བཀའ་སྩལ་ཏོ།། ཁ་ཅིག
190a4 བདུད་རྩི་འཐུངས་པས་འཆི་མི་འགྱུར། ། ཁ་ཅིག་གིས་ནི་འཐུངས་ནས་འཆི་བར་འགྱུར།། ཁ་ཅིག་དུག་འཐུངས་པས་ཀྱང་འཆི་མི་འགྱུར།། ལ་གཅིག་གིས་ནི་འཐུངས་ན་འཆི་བར་འགྱུ།། ཐེག
190a5 པ་ཆེན་པོ་འདི་ལ་ནི། ། ཆགས་མེད་ཡེ་ཤེས་བདུད་རྩི་ཡིན།། མཚུངས་པ་མེད་པའི་ཡེ་ཤེས་མཆོག། དེ་ཉིད་དུག་ཡིན་ཞེས་ཀྱང་བསྟན།། ཞུ་བའི་འོག་ཏུ་ཟ་བ་ལ།། མར་གྱི་ཉིང་ཁུ་སྦྲང
190a6 རྩི་དང་། ། ཀ་ར་རྣམས་ནི་བདུད་རྩི་བཞིན།། མ་ཞུ་ཟ་ལ་དུག་ཏུ་འགྱུར།། དེ་བཞིན་རབ་རྒྱས་བདུད་རྩིའི་མཆོག། དགོངས་པའི་ཚིག་པ་མི་མཁས་ཤིང་།། བྱིས་པའི་བློ་དང་ལྡན་རྣམས་ལ།།
190a7 མི་བཟད་པ་ཡི་དུག་ཏུ་འགྱུར།། རང་རྒྱལ་ཉན་ཐོས་རྣམས་ཀྱང་ནི།། རྟག་ཏུ་དེ་དང་འདྲ་བ་ཡིན།། ཐེག་ཆེན་སྨན་མཆོག་དེ་དག་ལ།། བ་ཡི་འོ་མ་འཐུངས་པ་བཞིན།། བྱང་ཆུབ་སེམས་དཔའ
iiif viewer powered by OpenSeadragon
