| e-texts navigator |
| Wylie |
189b1 རིགས་དང་། དམངས་རིགས་དང་། གདོལ་པ་དང་། བྷ་དང་། རི་དགས་དང་། མཚན་ཐ་དད་པ་གསུམ་གྱི་མིང་དང་། བློ་ཐ་དད་པ་དང་། སྲིད་པ་ཉི་ཤུ་རྩ་ལྔ་དག་ཏུ་སེམས་ཅན་རྣམས
189b2 ཉིང་མཚམས་སྦྱོར་བར་འགྱུར་རོ། ། འཇིག་རྟེན་པ་རྣམས་ཀྱིས་བདག་ནི་ལྡུམ་བུ་ཤ་མ་ཀའི་འབྲས་བུ་ཙམ་དང་། འབྲས་ཀྱི་འབྲུ་ཙམ་དང་། མཐེ་བོ་ཙམ་ཞེས་བྱ་བ་ལ་སོགས་པར་རྟོགས་པ་སྟེ།
189b3 མི་བདེན་པའི་རྟོག་པ་ཡིན་ནོ།། འཇིག་རྟེན་ལས་འདས་པའི་རྟོག་པ་ནི་སངས་རྒྱས་ཀྱི་ཁམས་ཡོད་པར་རྟོག་པ་གང་ཡིན་པ་སྟེ། དོན་དམ་པའི་བདེན་པའི་རྟོག་པ་ཡིན་ནོ།། རིགས་ཀྱི་བུ་གཞན་ཡང
189b4 དཔེར་ན་གཏེར་གྱི་འབྱུང་ཁུང་གི་དཔྱད་ཤེས་པའི་མིས་འཇོར་རམ་བརྐོ་བའི་སྤྱད་གཞན་དག་གིས་གཏེར་བརྐོས་ན་རྡོ་དང་གསེག་མ་ཐམས་ཅད་ནི་ཕྱེ་མར་རློག་པར་ནུས་ལ། རྡོ་རྗེ་ནི་ནམས་ཀྱང་ཅུང་ཟད་ཀྱང
189b5 ཆོད་པར་མི་ནུས་ཏེ། མཚོན་ཆ་ཐམས་ཅད་ཀྱིས་ཀྱང་རྡོ་རྗེ་རིན་པོ་ཆེ་མི་ཆོད་པ་དེ་བཞིན་དུ། རོགས་ཀྱི་བུ་དེ་བཞིན་གཤེགས་པའི་སྙིང་པོ་སྐྱེ་བ་པོའི་བདག་ནི་ལྷ་དང་བདུད་བྱེ་བ་སྙེད་ཀྱིས་ཀྱང་མཚོན་ཆ
189b6 ཐམས་ཅད་ཀྱིས་གཅད་པར་མི་ནུས་ལ། བསགས་པའི་ཁམས་ནི་རྡོ་རྗེ་དང་གསེག་མ་བཞིན་དུ་ཕྱེ་མར་རློག་ནུས་སོ།། དེ་བཞིན་གཤེགས་པའི་སྙིང་པོ་འཚོ་བ་པོ་ནི་རྡོ་རྗེ་རིན་པོ་ཆེ་དང་འདྲ་སྟེ།
189b7 དེ་བས་ན་མི་རྣམས་ཀྱི་སྲོག་བཅད་པས་འཚོ་བ་འཇིག་པར་འགྱུར་ཏེ། དེའི་ཕྱིར་བསགས་པའི་ཁམས་བཤོག་པས་སྲོག་ཆགས་གསད་པར་འགྱུར་རོ།། རིགས་ཀྱི་བུ་དེ་ལྟར་ན་སངས་རྒྱས་ཀྱི
iiif viewer powered by OpenSeadragon
