| e-texts navigator |
| Wylie |
188b1 དེ་ནས་རྡོ་རྗེ་བཞིན་དུ་དེ་བཞིན་གཤེགས་པའི་སྙིང་པོ་མཐོང་བར་འགྱུར་རོ།། རིགས་ཀྱི་བུ་དེ་ལྟར་ན་དེ་བཞིན་གཤེགས་པའི་སྙིང་པོ་ནི་དཔག་ཏུ་མེད་དོ།། གཞན་ཡང་རིགས་ཀྱི་བུ་དཔེར་ན་བངས་ཀྱི
188b2 རི་ལ་བཅུད་ཀྱི་ཁམས་བུང་བའི་བཅུད་ཅེས་བྱ་བ་ཞིག་ཡོད་དེ། དེ་ཤིང་གེལ་བའི་ནགས་སྟུག་པོས་གཟིངས་ཤིང་འདུག་ཀྱང་དེ་དྲི་བསྲུང་གི་མངོན་ཏེ། སྔོན་འཁོར་ལོས་སྒྱུར་བའི་རྒྱལ་པོ་ཞིག་གིས
188b3 དེའི་དོན་དུ་ངོས་སོ་སོ་ནས་ཝ་བཙུགས་ནས། བཅུད་ཀྱི་ཁམས་དེ་ལས་ཝ་པ་ལའི་ཁ་ནས་ནི་ཁུ་བ་སྒྱུར་བ་འབྱུང་། ལ་ལའི་ཁ་ནས་ནི་ལན་ཚྭའི་རོ་འབྱུང་། ལ་ལའི་ཁ་ནས་ནི་མངར་བ་འབྱུང་།
188b4 པ་ལའི་ཁ་ནས་ནི་རོ་ཚ་བ་འབྱུང་། ལ་ལའི་ཁ་ནས་ནི་ལ་བ་འབྱུང་། ལ་ལའི་ཁ་ནས་ནི་བསྐུ་བ་འབྱུང་སྟེ། བཅུད་ཀྱི་ཁམས་དེ་ལྟ་བུ་ནགས་ཀྱི་ནང་ན་ནམ་མཁའ་ལ་ལྡིང་ངོ་།། བཅུད་རོ
188b5 གཅིག་པུ་དེ་འདྲ་བ་ལས་རོ་ཐ་དད་པ་རྣམ་པ་སྣ་ཚོགས་འབྱུང་ལ། རོ་དེ་དག་ཀྱང་ཕན་ཚུན་འདྲེ་བར་མི་འགྱུར་ཏེ། བཅུད་ཀྱི་ཁམས་དེའང་ཟླ་བའི་དཀྱིལ་འཁོར་བཞིན་དུ་ཡོངས་སུ་ཁྱབ་པར
188b6 འདུག་གོ། ། དེ་དེ་ལྟར་འདུག་ཀྱང་སེམས་ཅན་གཞན་དག་གོ་ནི་ཤིང་གེལ་བའི་ནགས་དེའི་ནང་དུ་ཞུགས་ཏེ་འཇོར་དག་གིས་བརྐོས་ཀྱང་སེམས་ཅན་སྐལ་བ་ཆུང་ངུ་རྣམས་ཀྱིས་ཐོབ་པར་མི་འགྱུར་ལ།
188b7 འཁོར་ལོས་སྒྱུར་བའི་རྒྱལ་པོས་ནི་བསོད་ནམས་ཀྱི་མཐུས་ཐོབ་པར་འགྱུར་བ་དེ་བཞིན་དུ། རིགས་ཀྱི་བུ་དེ་བཞིན་གཤེགས་པའི་སྙིང་པོ་ནི་བཅུད་ཀྱི་ཁམས་དང་འདྲ་ལ། ཉོན་མོངས
iiif viewer powered by OpenSeadragon
