| e-texts navigator |
| Wylie |
185b1 གི་ནུ་མ་གཉིས་ནིམ་པའི་ལོ་མ་བཏགས་པ་འདའ་གུས་བསྐུས་ནས་རང་གི་བུ་ལའང་འདི་སྐད་ཅེས་བསྒོ་སྟེ། བུ་གཅིག་ངའི་ནུ་མ་དུག་གིས་བསྐུས་ཀྱིས། བུ་གཅིག་ཁྱོད་མ་ནུ་ཞིག་ཅེས་བྱས་སོ།།
185b2 དེ་ནས་ཁྱེའུ་དེ་སྐོམ་སྟེ། ནུ་མ་བཏུང་ངོ་སྙམ་དུ་བསམས་ནའང་ནུ་མ་ནིམ་པའི་ལོ་མའི་དྲི་བྲོ་ནས་ངུས་ཏེ་ཆོ་གའི་མཐར་མ་ཕྱིན་གྱི་བར་དུ་རང་སྡོད་དོ།། དེ་ནས་ཆོ་ག་ཟིན་ནས་བུད་དེས་རང་གི་ནུ་མ
185b3 གཉིས་ཆུས་བཀྲུས་བུ་དེ་ལ་སྨྲས་པ། ཀྱེ་བུ་གཅིག་ད་ནི་ནུ་མ་ནུས་ཤིག་ཅེས་བྱས་ན་ཁྱེའུ་དེས་དུག་ཡོད་སྙམ་སྟེ་ནུར་མ་བཏུབ་ནས་ངུ་ཞིང་འདུག་སྟེ། ལྟ་ཡང་མི་ལྟའོ།། དེ་ནས་ཡང་སྨྲས་པ།
185b4 སྔར་ནི་ཁྱོད་ཀྱི་སྨན་མར་དེ་མ་ཞུ་བ་ལ་ཐོགས་ཏེ་ནུ་མ་ནུར་མི་གཞུག་པའི་ཕྱིར་ངས་ནུ་མ་གཉིས་ནིམ་པའི་ལོ་མའི་འདའ་གུས་བསྐུས་ཏེ། ཁྱོད་ལ་གནོད་པར་འགྱུར་ཞིང་ཤིར་དོགས་ནས་ནུར་མ
185b5 བཅུག་པ་ཡིན་གྱིས། ད་ནི་ནུ་ཞིག་ཅེས་བྱས་ནས་ནུར་བཅུག་སྟེ། དེས་ཀྱང་དལ་བུས་ནུ་མ་ནུས་སོ།། རིགས་ཀྱི་བུ་དེ་བཞིན་དུ་ངས་ཀྱང་སྔར་ནི་གདུལ་བར་བྱ་བའི་དབང་གིས་བྱིས་པའི་སྨན
185b6 མར་ཞུ་བར་བྱ་བ་བཞིན་དུ། དགེ་སློང་རྣམས་ཀྱིས་འཇིག་རྟེན་པའི་ལྟ་བ་གཞོམ་པར་བྱ་བའི་ཕྱིར་དང་། འཇིག་རྟེན་ལས་འདས་པའི་ཆེ་བ་ཉིད་ཡང་དག་པར་བསྟན་པའི་ཕྱིར་དང་། འཇིག
185b7 རྟེན་པོའི་བདག་གི་དེ་ཁོ་ན་ཉིད་བརྫུན་པར་ཡང་དག་པར་བསྟན་པའི་ཕྱིར་དང་། བདག་མེད་པ་བསྒོམས་པར་ལུས་རྣམ་པར་དག་པར་བྱ་བའི་ཕྱིར་དགེ་སློང་དག་ཆོས་ཐམས་ཅད་བདག་མེད་པར་སྒོམས
iiif viewer powered by OpenSeadragon
