| e-texts navigator |
| Wylie |
182b1 བ་བསྒོམ་པ་ནི། ཡམཚན་ཅན་ཐམས་ཅད་ལའང་དོན་དང་འགལ་བའི་སྟོང་པ་ཉིད་ཡོད་དེ། དེ་རྣམས་ཀྱིའང་སྡུག་བསྔལ་བགོག་པ་ཞེས་བྱ་བར་འགྱུར་རོ།། སེམས་ཅན་ཐམས་ཅད་ལ་ནི་དེ་བཞིན།
182b2 གཤེགས་པའི་སྙིང་པོ་ཡོད་དེ། དེ་ནི་གསལ་བར་མི་མངོན་ནོ།། གང་གི་ཚེ་ཉོན་མོངས་པ་ཟད་པའི་ཚེ། དེ་བཞིན་གཤེགས་པའི་སྙིང་པོ་ལ་འཇུག་པ་ཁྱེད་ཀྱིས་མཐོང་བར་འགྱུར་རོ།། གང་གི་ཚེ
182b3 ས་ཨེམས་གཅིག་བསྐྱེད་པའི་ལས་ཀྱི་འབྲས་བུས་བདག་གིས་ཆོས་ཀྱི་དབང་ཕྱུག་རྟག་པ་དང་བདེ་བ་འཐོབ་བོ་སྙམ་དུ་ཁྱེད་ཀྱིས་ཤེས་པར་གྱུར་པ་དེ་ནི་སྡུག་བསྔལ་འགོག་པ་བསྒོམ་པར་བྱ་བ་ལ་བསྒོམས་པ་ཡིན
182b4 ནོ། དེ་བཞིན་གཤེགས་པའི་སྙིང་པོ་བདག་མེད་པར་སྒོམས་ཤིག། གཏན་དུ་སྟོང་པ་ཉིད་བསྒོམས་པས་ནི་སྡུག་བསྔལ་རྣམས་མ་འགགས་པར་ཕྱེ་མ་ལེབ་མར་མོའི་ནང་དུ་སོང་བ་བཞིན་དུ་འགྱུར་རོ།། དེ
182b5 ལྷ་མ་ཡིན་པར་དེ་བཞིན་གཤེགས་པའི་སྙིང་པོ་ཡོད་པར་བསྒོམས་པའི་སེམས་ཅན་རྣམས་ནི་ཉོན་མོངས་པ་རྣམས་ཡོད་བཞིན་དུ་ཉོན་མོངས་པའི་རྣམ་པ་འགོག་པར་བྱེད་དོ། ། དེ་ཅིའི་ཕྱིར་ཞེ་ན
182b6 དེ་བཞིན་གཤེགས་པའི་སྙིང་པོའི་རྐྱེན་གྱི་ཕྱིར་ཏེ། དེ་ཤེས་པ་ནི་ཡང་དག་པར་རྫོགས་པའི་སངས་རྒྱས་ཀྱི་བཀའ་ལས་སྡུག་བསྔལ་འགོག་པའི་ཚིག་བདེན་པ་ཞེས་བྱའོ།། གཞན་ནི་བསྒོམ་པ་མ
182b7 ཡིན་པ་ལ་བསྒོམས་པའོ། ། འདི་ནི་སྡུག་བསྔལ་འགོག་པར་འགྱུར་བའི་ལམ་ཞེས་བྱ་བ་ནི། དེ་བཞིན་གཤེགས་པ་དང་། ཆོས་དང་། དགེ་འདུན་དང་། ཐར་པ་རྣམས་ཏེ། འདི་ལྟར་དེ
iiif viewer powered by OpenSeadragon
