| e-texts navigator |
| Wylie |
179b1 རྣམས་ལ་འཛེམ་སྟེ། དགེ་སློང་རྣམས་ལ་མ་དྲིས་པར་དགེ་སློང་གིས་བླངས་ན་ཉེས་པ་སྦོམ་པོའི་བརྐུ་བའི་སེམས་ཀྱིས་མཆོད་རྟེན་བཤིག་ནའང་ཉེས་པ་སྦོམ་པོའི་ཉེས་པ་ཅན་དུ
179b2 འགྱུར་ཏེ། དེ་ལྟ་བུ་དག་དང་བསྟེན་པར་མི་བྱའོ།། འདི་ན་ཁྱིམ་བདག་གམ། བློན་པོ་ལ་ལ་ཞིག་གིས་གལ་ཏེ་ཆོས་ཀྱི་བསམ་པས་སྐུ་གདུང་ལ་བཀུར་སྟིར་བྱ་བ་འམ། ལགུ
179b3 དགོས་པའི་ཕྱིར། མཆོད་རྟེན་རྙིང་པ་བཤིག་སྟེ། བླངས་ནས་ཁྱིམ་བདག་གམ། བློན་པོ་དེས་མཆོད་རྟེན་དེ་ལས་གསེར་དངུལ་ཞིག་བྱུང་ན། དེ་དགེ་སློང་འགའ་ཞིག་གི་ལག
179b4 ཏུ་གཏད་པ་ལས། དགེ་སློང་དེས་དེ་བླངས་ཏེ། བདག་གི་ནོར་དུ་བྱས་ལ་རྩོད་པར་བྱེད་ན་དགེ་སློང་དེ་ལ་ལེགས་པ་མ་ཡིན་ནོ།། དགེ་བསྙེན་དེ་དག་ནི་ཆོས་ལ་གནས་པ་ཡིན་ནོ།།
179b5 དགེ་སློང་དེ་ནི་ཡིད་བརྟན་དུ་མི་རུང་སྟེ་བསྟེན་པར་མི་བྱའོ།། མ་ནིང་ཡིན་པར་ཤེས་པར་བྱའོ།། མཚན་གཉིས་པར་ཤེས་པར་བྱའོ།། མཚན་གཉིས་པ་ཞེས་བྱ་བ་ནི་གང་ལ་མཚན་གཉིས
179b6 ཡོད་པ་སྟེ། གང་གི་ཚེ་སྐྱེས་པའི་འདོད་ཆགས་སྐྱེས་པ་དེའི་ཚེ་ནི། བུད་མེད་དང་འདོད་པ་སྤྱོད་པར་བྱེད་ལ། གང་གི་ཚེ་བུད་མེད་ཀྱི་འདོད་ཆག་སྐྱེས་པ་དེའི་ཚེ་ནི། སྐྱེས་པ་དང་འདོད་པ་སྤྱོད་པར་བྱེད་དོ།།
179b7 དེ་བས་ན་མཚན་གཉིས་པ་ཞེས་བྱ་སྟེ། དེ་དང་ཡང་བསྟེན་པར་མི་བྱའོ།། དེ་ལྟར་དེ་ལྟ་བུ་དག་དང་ཡང་བསྟེན་པར་མི་བྱ་ན། བསླབ་པའི་གཞི་ལྔའི་ངེས་པ་བྱེད་པ་དེ་དག་ལྟ་ག་ལ་བསྟེན་དུ་ག
iiif viewer powered by OpenSeadragon
