| e-texts navigator |
| Wylie |
179a1 རྣམས་ཀྱང་བསྒྲག་པར་བྱའོ། ། སེམས་ཅན་ཐམས་ཅད་ཀྱང་ངེས་པར་བསྒྲལ་བར་བྱའོ།། འདུལ་བ་དང་འདུལ་བ་མ་ཡིན་པའི་བྱེ་བྲག་ཀྱང་བྱེད་པར་བྱའོ།། བདག
179a2 ལ་སངས་རྒྱས་སུ་འགྱུར་བའི་ས་བོན་དེ་བཞིན་གཤེགས་པའི་སྙིང་པོ་ཞེས་བྱ་བ་ཡོད་དེ། བདག་གིས་སངས་རྒྱས་ཐོབ་པར་འགྱུར་རོ།། བདག་གིས་ཉོན་མོངས་པའི་རྣམ་པ་རྣམས་རྣམ་པར
179a3 གཞོམ་པར་བྱའོ། ། དགེ་བསྙེན་ཁྱེད་རྣམས་ལའང་སངས་རྒྱས་ཀྱི་ཁམས་ཡོད་དེ།། བདག་ཅག་ཀུན་ཀྱང་སངས་རྒྱས་སུ་འགྱུར་ཞིང་། དེ་བཞིན་གཤེགས་པའི་ས་ཐོབ་པར་འགྱུར་རོ།།
179a4 ཉོན་མོངས་པའི་རྣམ་པ་རྣམས་ཟད་པར་བྱའོ་སྙམ་དུ་སེམས་པ་དེ་ལྟ་བུ་ནི་དམ་པའི་ཆོས་ཀྱི་རྟོག་པའི་སྒོ་ནས་བྱང་ཆུབ་སེམས་དཔའ་ཡིན་ཏེ། མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་མ་ཡིན་ནོ།།
179a5 ཞེས་ང་ཟེར་རོ།། ཉེས་བྱས་ཀྱི་ཉེས་པ་བྱུང་བས་ཀྱང་སུམ་ཅུ་རྩ་གསུམ་པའི་ལྷ་རྣམས་ཀྱི་ལོ་གྲངས་པས་ཀྱང་ལྷག་པར་ལོ་བརྒྱད་ཁྲིའི་བར་དུ་སེམས་ཅན་དམྱལ་བར་བཙོས་པར་འགྱུར་ན
179a6 ཉེས་པ་སྦོམ་པོ་ལྟ་ཅི་སྨོས་ཏེ། ཐེག་པ་ཆེན་པོ་འདི་ལ་ནི་ཉེས་པ་སྦོམ་པོའི་ཉེས་པ་བྱུང་བ་དང་བསྟེན་པར་མི་བྱའོ།། ཉེས་པ་སྦོམ་པོ་ཞེས་བྱ་བ་ནི།། བཅོམ་ལྡན་འདས་ཀྱིས
179a7 མཆོད་རྟེན་བསྲུང་བའི་ཕྱིར། གཞན་གྱིས་ཡོངས་སུ་བཟུང་བ་ལ་མེ་ཏོག་གི་འཕྲེང་བ་བཏགས་པ་དེ་བརྙོངས་ནས། སྲད་བུ་དགོས་པའི་ཕྱིར་ལེན་པར་བྱེད་དེ། དགེ་སློང
iiif viewer powered by OpenSeadragon
