| e-texts navigator |
| Wylie |
178a1 རིམ་གྱིས་སངས་རྒྱས་སུ་འགྱུར་རོ་ཞེས་ང་ཟེར་རོ། ། དེ་ལྟར་ན་སངས་རྒྱས་ཀྱི་གསུང་ནི་ཆ་ཕྲ་ཞིང་ཟབ་པ་ཡིན་ནོ།། གསོལ་པ་འདི་ན་རྒྱལ་པོ་ལ་ལ་ཞིག་འདི་སྐད་ཅེས་མཆི་སྟེ།
178a2 ཇི་ལྟར་ན་དགེ་སློང་མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་ཞེས་བགྱི་ཞེས་མཆི་བ་ལ་ལན་གདབ་འཚལ་ལགས་སོ།། བཀའ་སྩལ་པ། འདི་ན་དགེ་སློང་རྙེད་པ་དང་བཀུར་སྟིའི་ཕྱིར་རམ།
178a3 ཟང་ཟིང་གི་ཕྱིར་ཚུལ་འཆོས་པ་དང་། ཁ་གསག་བྱེད་པ་ཡོད་དོ།། ཇི་ལྟར་བྱས་ན་བདག་བསོད་སྙོམས་པ་ཡིན་པས་གཞན་དག་གོས་ཤེས་པར་འགྱུར་ཞིག་གུ། དེ་ལྟར་བྱས་དང་རྙེད་པ་ཐོབ
178a4 པར་འགྱུར་རོ་སྙམ་སྟེ། བསྔགས་པ་འདོད་པ་རྨོངས་པའི་རང་བཞིན་ཅན་དུ་གྱུར་པས། བདག་གིས་འབྲས་བུ་མ་ཐོབ་པར། བདག་གིས་འབྲས་བུ་ཐོབ་པར་གཞན་གྱིས་ཤེས་པར་བྱའོ།།
178a5 བདག་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་།། ཕྱིར་མི་འོང་བ་དང་། དགྲ་བཅོམ་པ་ཡིན་པར་གཞན་དག་གིས་ཤེས་པར་བྱའོ།། དགེ་བསྙེན་མདུན་ན་འཁོད་པ་རྣམས་ཀྱང
178a6 བོ་ཐམས་ཅད་ཀྱིས་བདག་དེ་ལྟ་བུ་ཡིན་པར་ཤེས་པར་འགྱུར་བའི་ཚིག་སྨྲར་གཞུག་གོ་སྙམ་ནས། ཆོས་ཐོས་པར་བྱ་བའི་ཕྱིར་མ་ཡིན་པར་ཡིད་ལ་བྱེད་པ་དེ་ལྟ་བུས་རྙེད་པ་དང་། བཀུར་སྟི་དང་།
178a7 བླ་མའི་མཆོད་པ་དང་། ཕྱག་བྱ་བ་དང་། ཟང་ཟིང་གི་ཕྱིར་དགྲ་བཅོམ་པ་འདྲ་བར་ཕན་ཚུན་ལྟ་བུའི་ཐབས་དང་། མིག་འཛུམ་པ་དང་། འགྲོས་རྣམས་འཆོས་པར་བྱེད་ཅིང
iiif viewer powered by OpenSeadragon
