| e-texts navigator |
| Wylie |
177a1 ཡིན་པར་རིག་པར་བྱའོ། ། བསླབ་པའི་གཞི་ཐམས་ཅད་ཀྱི་ནང་ན་ནི། ཉེས་བྱས་ཆུང་བ་ཡིན་ལ། དེ་ལྟར་ཆུང་བའི་ཉེས་བྱས་བྱུང་དུ་ཟིན་ཀྱང་། བདག་མ་བྱུང
177a2 ཞེས་སྙམ་པར་བྱེད་དེ། ཉེས་པ་བྱུང་བ་རུས་སྦལ་བཞིན་དུ་སྦེད་པར་བྱེད་པ་དེ་ལྟ་བུའི་གང་ཟག་ལ་བསྟེན་པར་མི་བྱའོ།། བརྫུན་དུ་སྨྲ་བའི་ཆོས་གཅིག་འགལ་བར་བྱས་པའི་སྐྱེ་བོ་འཇིག་རྟེན་ཕ་རོལ
177a3 སྤངས་ན་མི་བྱ་བ་ཅིའང་མེད་དེ། མི་བྱ་བའི་བག་ཅིའང་མི་སྟེན་པ་མི་སྟེན་པ་མེད་ཅེས་བྱ་བའི་དོན་ཏོ།། སངས་རྒྱས་ཀྱི་བསྟན་པ་ནི་དེ་ལྟར་ཆ་ཕྲ་བ་ཡིན་ན། ཉེས་པ་མི་སྡོམ་པར་ལྟ་ག་ལ་མཛད
177a4 གལ་ཏེ་དེ་ཙམ་ཡང་སྡོམ་པར་མི་བྱེད་པ་ནི་མཆོག་ཏུ་མ་བསྡམས་པ་ཡིན་ནོ། ། ཅི་ཞིག་བཟུང་སྟེ་ཚུལ་ཁྲིམས་བསྲུང་ཞེ་ན། སངས་རྒྱས་ཀྱི་ཁམས་ཡོད་ལ། གསུང་ར་བ་ཡན་ལག་དགུའི་ཚུལ
177a5 གྱིས་སངས་རྒྱས་སུ་འགྱུར་བའི་རྟོག་པ་གཅིག་པུས་སེམས་ཅན་ཐམས་ཅད་ལ་སངས་རྒྱས་ཀྱི་ཁམས་ཡོད་དོ་ཞེས་བྱ་བ་དང་། ཤིན་ཏུ་རྒྱས་པ་ལས་བདག་མེད་པའི་མཆོག་ཡོད་དོ་ཞེས་སྨྲ་བ
177a6 ནི་གསུང་རབ་ཡན་ལག་དགུའི་ཚུལ་གྱིས་མདོ་སྡེ་སྤོང་བ་མ་ཡིན་ནོ། ། གཞན་དུ་ན་ནི་དེ་ལྟར་འགྱུར་རོ།། གསོལ་པ། སེམས་ཅན་ཐམས་ཅད་ལ་སངས་རྒྱས་ཀྱི་ཁམས་མཆིས་པར་གསུང
177a7 རབ་ཡན་ལག་དགུ་ལས་ངེས་པར་བསྟན་ན། གང་ཟག་ཏུ་ལྟ་བར་ཇི་ལྟར་མི་འགྱུར་ལགས། བདག་གིས་ཐོས་པ་བཞིན་དུ་ཇི་ལྟར་གཟུང་བར་བགྱི། དེ་ལྟར་ན་ནི་མིའི་ཆོས་ལས་བླ་མར
iiif viewer powered by OpenSeadragon
