| e-texts navigator |
| Wylie |
174b1 ། བརྟན་པའོ།། ཐེར་ཟུག་པའོ་ཞེས་ང་ཟེར་རོ་ཞེས་དེ་སྐད་སྨྲས་པ་ལ་ནི་ཏ་ལའི་མགོ་བཅད་པ་བཞིན་དུ་ཕམ་པར་གྱུར་ཞེས་བརྗོད་པར་མི་བྱའོ།། ཕམ་པའི་ཆོས་བཞི་ཞེས་བྱ་བ་ནི་བཅོམ་ལྡན་འདས་ཀྱིས་གསུངས་པ
174b2 རྣམ་པ་བཞི་ཅར་ལྟ་ཅི་སྨོས་ཏེ། ཕམ་པ་བཞིའི་ནང་ནས་ཕམ་པ་གང་ཡང་རུང་བ་ཞིག་བྱུང་ནའང་རྡོ་ཆག་པའི་འཕྲོ་བཞིན་དུ་འགྱུར་རོ་ཞེས། རྒྱུད་ཕྱི་མའི་ཡང་ཕྱི་མ་གཞུང་རྫོགས་པ་ལས། མིའི་ཆོས་ལས
174b3 བླ་མར་གྱུར་པའི་སྐབས་ནས་གསུངས་པ་ཡིན་ནོ། ། དེ་ཅིའི་ཕྱིར་ཞེ་ན། བདག་གི་ནི་འབྲས་བུ་ཐོབ་པ་ཡིན་ནོ་ཞེས་འཆབ་པའི་དོན་ཏོ།། རྒྱུད་ཕྱི་མའི་ཡང་ཕྱི་མ་ལས་མིའི་ཆོས་སུ་དབབ་པ་ངས་གསུངས་པ་ནི།།
174b4 འདི་ན་དགེ་སློང་འདོད་པ་ཉུང་བ་ཆོག་ཤེས་པ་ལ་ལ་ཞིག་གནས་པ་དེ། རྒྱལ་པོ་འམ། རྒྱལ་པོའི་བློན་པོ་ཆེན་པོ་དག་གིས་མཐོང་ན། འབྲས་བུ་ཐོབ་པ་ཡིན་པར་སེམས་ཏེ། ཚིགས་སུ་བཅད་པའི་ཚུལ་སྦྱར་བའི
174b5 ཐབས་རྣམ་པ་སྣ་ཚོགས་ཀྱིས་སྟོན་པར་བྱེད་ཅིང་། བཙུན་པ་འདི་ནི་ལུས་དང་བྲལ་ཏེ་ཤི་བའི་འོག་ཏུ་སངས་རྒྱས་སུ་འགྱུར་རོ་ཞེས་ཟེར་བ་དགེ་སློང་དེས་དེ་དག་ལས་མངོན་སུམ་དུ་ཐོས་ནས་འདི་སྐད་ཅེས་ཟེར་ཏེ།
174b6 འབྲས་བུ་མ་ཐོབ་པའི་གང་ཟག་ལ། འབྲས་བུ་ཐོབ་པ་བཞིན་དུ་སྟོན་པར་མ་བྱེད་ཅིག། ཆེ་འདོད་པ་ནི་སངས་རྒྱས་ཀྱིས་སྨད་དོ།། ཅང་མི་སྨྲ་བ་ནི་སངས་རྒྱས་ཀྱི་ས་བསྔགས་སོ།། བདག་ནི་ཇི་སྲིད་འཚོང་བར
174b7 དུའང་ཆོས་འདི་ལྟ་བུ་ལ་དགའ་བ་མ་ཡིན་གྱིས། འདི་ལྟར་བདག་ཆེ་འདོད་པ་ལ་གཞག་པར་མ་བྱེད་ཅིག། བདག་ནི་འབྲས་བུ་ཐོབ་པ་མ་ཡིན་པར་བདག་ཉིད་ཀྱིས་ཤེས་སོ་ཞེས་ཟེར་བ་དང་། རྒྱལ་པོ་ཤེས་རབ་ཅན་གྱིས
iiif viewer powered by OpenSeadragon
