| e-texts navigator |
| Wylie |
173a1 ལྟར་ངེད་ཀྱི་འདུལ་བ་ལས་ནི་སྡིག་པ་དང་། ཉེས་བྱས་དང་། ཉེས་པ་ཡང་བ་དང་། ལྕི་བ་དང་། ཉེས་པ་སྦོམ་པོ་རང་བཞིན་གྱིས་སྤང་བར་བྱ་བ་ཡིན་པའི་ཕྱིར།
173a2 སྤང་བར་བཅོམ་ལྡན་འདས་ཀྱིས་གསུངས་ཏེ། དེ་ལྟ་བུ་ནི་ངེད་ཀྱི་འདུལ་བ་དང་མཐུན་པ་ཡིན་གྱི། ངེད་ཀྱི་འདུལ་བ་དང་མཐུན་པ་མ་ཡིན་ན། ཅིའི་ཕྱིར་བདག་ཅག་ཉིད་ཀྱི
173a3 འདུལ་བ་ལས་འགལ་བར་བྱས་ཏེ། ཁྱེད་ཀྱིས་འདུལ་བ་བླང་བར་བྱ།། ཁྱེད་ཀྱིས་འདུལ་བ་ནི་རང་བཟོར་བྱས་པ་ཡིན་ལ། ངེད་ཀྱི་འདུལ་བ་ནི་བཅོམ་ལྡན་འདས་ཀྱིས
173a4 གསུངས་པ་ཡིན་ནོ། ། བཅོམ་ལྡན་འདས་ཀྱིས་ནི་གསུང་རབ་ཡན་ལག་དགུ་ལས་ཕྱག་རྒྱ་དགུ་མཛད་ཅེས་གྲག་སྟེ། བཅོམ་ལྡན་འདས་ཀྱིས་ཕྱག་རྒྱ་དགུ་པོ་དེ་རྣམས་ཀྱི་ཕྱུག་རྒྱས
173a5 བཏབ་བོ། ། བདག་ཅག་གིས་ནི་ཤིན་ཏུ་རྒྱས་པ་ཞེས་བྱ་བའི་སྒྲ། ཚིག་དང་། ཡི་གེ་དང་། ཐིག་ལེ་གཅིག་ཀྱང་སྔོན་མ་ཐོས་སོ།། བཅོམ་ལྡན་འདས་ཀྱིས་མདོ་སྡེ་ངུ་ཞོག
173a6 གསུངས། མདོ་སྡེ་བཅུ་ཛ་ག་གསུངས་སམ། བདག་ཅག་གི་གསུང་རབ་ལ་ནི་ཤིན་དུ་རྒྱས་པ་ཞེས་བྱ་བའི་སྒྲའང་མེད་དོ།། འདི་དག་ནི་མ་ལུས་པར་ལྷས་བྱིན་གྱིས་བྱས་པ་ཡིན་ཏེ།
173a7 དོན་ཐམས་ཅད་རུང་བར་བྱས་ནས་རྩོད་པར་བྱེད་དེ། ཤིན་ཏུ་རྒྱས་པ་ནི་རང་གིས་རང་བཟོར་བྱས་པས་མི་བཙན་གྱི། ངེད་ཀྱི་འདུལ་བ་ནི་དམ་པ་ཡིན་ནོ།། ངེད་ནི་འདི་ལྟ་བུ་ཡིན་ནོ།།
iiif viewer powered by OpenSeadragon
