| e-texts navigator |
| Wylie |
168a1 བ་དང་། གསེར་དངུལ་དང་། བ་གླང་དང་། མ་ཧེ་དང་། འབྲུ་རྣམས་བསྡུ་བ་དང་། ཉོ་འཚོང་དང་། ཞིང་རྨོ་བ་ལ་སོགས་པ་ངས་གནང་ངོ་ཞེས་གསུངས་སོ་ཞེས
168a2 བྱ་བ་ལ་སོགས་པ་དེ་དག་ནི་ཡི་གེ་ཞེས་བྱ་སྟེ། དེ་ལྟ་བུའི་མདོ་སྡེ་དང་། འདུལ་བ་ནི་ཚད་མ་མ་ཡིན་ནོ།། དེ་བས་ན་ཡི་གེ་འདོན་པའི་གང་ཟག་དེ་དག་ཀྱང་ཚད་མ་མ་ཡིན་ཏེ། དེའི་ཕྱིར་དགེ
168a3 སློང་དག་ཁྱེད་ཀྱི་རྟེན་ནི་དོན་ཡིན་ནོ་ཞེས་གསུངས་སོ། ། དོན་མེད་པ་ཞེས་བྱ་བ་ནི་གཞི་གསུམ་ལ་འཇིག་པ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པ
168a4 ལ་སོགས་པའི་མི་རྟག་པ་ཉིད་ཡོད་པར་ལྟ་བ་སྟེ། འདི་ནི་དོན་མེད་པ་ཞེས་བྱའོ།། འདི་ནི་ཡི་གེ་ཞེས་བྱའོ།། དེ་བས་ན་དགེ་སློང་དག་ཁྱེད་ཀྱི་རྟེན་ནི་དོན་ཡིན་གྱི། ཡི་གེ་མ་ཡིན་ནོ།
168a5 ཞེས་གསུངས་སོ།། དོན་གྱི་ཕྱོགས་ནི་ཐེག་པ་ཆེན་པོ་པ་རྣམས་ཡིན་ཏེ། དེ་བས་ན་ཐེག་པ་ཆེན་པོ་པ་རྣམས་ཚད་མ་ཡིན་གྱི། འདི་ལས་ཕྱི་རོལ་པ་ཡི་གེ་ལ་བརྟེན་པ་རྣམས་ནི་དེ་ལྟ་མ
168a6 ཡིན་ཏེ། དེ་བས་ན་དེ་དག་ནི་རྟེན་མ་ཡིན་མོད་ཀྱི། ཤའི་མིག་དང་ལྡན་པ་རྣམས་ཀྱི་ཕྱིར་བཞག་པ་ཡིན་ནོ།། གསོལ་པ། སྔར་བཀའ་སྩལ་པའི་གང་ཟག་བཞི་པོ་རྣམས་རྟེན་དུ་གྱུར་པ
168a7 ཞེས་བགྱི་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ཏེ། བཞི་པོ་རྣམས་རྟེན་ཡིན་པར་རིག་པར་བྱའོ།། དེ་མ་ཡིན་པ་བཞི་པོ་རྣམས་ནི་བདུད་ཡིན་ནོ་ཞེས་ང་ཟེར་རོ།།
iiif viewer powered by OpenSeadragon
