| e-texts navigator |
| Wylie |
167a1 དེ་བཞིན་གཤེགས་པ་ནི་ཤའི་སྐུ་ཡིན་ཏེ་བུད་ཤིང་ཟད་པའི་མེ་བཞིན་དུ་ཡོངས་སུ་མྱ་ངན་ལས་འདས་སོ་ཞེས་བྱ་བ་འདི་ནི་ཉན་ཐོས་ཀྱི་ཐེག་པ་ཡིན་ཏེ་ཚད་མ་མ་ཡིན་ནོ།།
167a2 མདོ་སྡེ་དེ་དག་ནི་གདུལ་བར་བྱ་བའི་དབང་གིས་གསུངས་པ་ཡིན་ཏེ། ཉན་ཐོས་ཀྱི་ཐེག་པ་ནི་ཡི་གེ་ཕྱེ་སྦྱར་བ་དང་འདྲ་ཞིང་བྱེ་བྲག་ཏུ་འབྱེད་པ་ཡིན་ཏེ། སློབ་དཔོན་བྱེད་པ་མ་ཡིན
167a3 ནོ། ། ཉན་ཐོས་ཀྱི་ཐེག་པ་པ་རྣམས་ནི་དྲང་བའི་དོན་རྣམས་ཀྱི་གྲངས་སུ་གཏོགས་སོ།། ཡེ་ཤེས་ལས་གསུངས་པའི་དེ་བཞིན་གཤེགས་པའི་ཆེ་བ་ཉིད་ཁོང་དུ་མ་ཆུད་པའི་ཤེས་པ
167a4 གང་ཡིན་པ་དེ་ནི་ཉན་ཐོས་ཀྱི་ཐེག་པ་ཡིན་ཏེ། དེ་བས་ན་དྲང་བའི་དོན་ནི་ཚད་མ་མ་ཡིན་ནོ།། གང་ཟག་བཞི་པོ་དེ་དག་ནི་ཚད་མ་མ་ཡིན་ཏེ། ངེས་པའི་དོན་ཡིན་གྱི། དྲང་བའི
167a5 དོན་མ་ཡིན་ནོ། ། དེ་བས་ན་དེ་དག་ནི་རྟེན་དུ་གྱུར་པ་དང་ངེས་པའི་དོན་ཡིན་ནོ།། དགེ་སློང་དག་ཁྱེད་ཀྱི་རྟེན་ནི་ཡེ་ཤེས་ཡིན་ནོ་ཞེས་བྱ་བ་ནི་དེ་བཞིན་གཤེགས་པའི་ཚིག་བླ་དགས་སོ།།
167a6 ཆོས་ཀྱི་སྐུ་གང་ཡིན་པ་དེ་ནི་ཚད་མ་མ་ཡིན་ནོ།། ཐབས་ཀྱི་སྐུ་གང་ཡིན་པ་དེ་ནི་ཚད་མ་མ་ཡིན་ནོ།། ཐབས་ཀྱི་སྐུལ་བལྟས་ན་དེ་བཞིན་གཤེགས་པའི་སྐུ་ལ་ཕུང་པོ་དང་། ཁམས་དང་།
167a7 སྐྱེ་མཆེད་རྣམས་ཇི་ལྟར་ཡོད། གལ་ཏེ་མེད་ནའང་སྐུ་གདུང་གི་ཕུང་པོ་ག་ལས་འོངས། དེ་བས་ན་སྐུ་གདུང་གི་ཕྱིར་འཇིག་རྟེན་ན་མཆོད་རྟེན་འབྱུང་ཡོད་ཀྱི། ཆོས་ཀྱི་སྐུ་ནི་འབྱུང་བ་མེད
iiif viewer powered by OpenSeadragon
