| e-texts navigator |
| Wylie |
166b1 དག་ལྟ་རྟེན་ཅི་སྟེ་མ་ཡིན། དགེ་སློང་དག་ཁྱེད་ཀྱི་རྟེན་ནི་ཆོས་ཉིད་ཡིན་ཏེ། ཉན་ཐོས་རྣམས་ཀྱི་མངོན་པར་ཤེས་པ་ཞེས་བྱ་བའི་དོན་དང་ཆོས་ཉིད་མ་བརྗེད་པར་གྱིས་ཤིག་ཅེས་བྱ་བའི་དོན་ཏོ།།
166b2 ཆོས་ཉིད་ཅེས་བྱ་བ་ནི། དེ་བཞིན་གཤེགས་པ་རྟག་གོ་ཞེས་བྱ་བ་ལ་བརྩོན་པར་བྱ་བ་ཡིན་གྱི། གང་ཟག་ལ་བརྩོན་པ་མ་ཡིན་ནོ།། གལ་ཏེ་གང་ཟག་ཚུལ་ཁྲིམས་འཆལ་པ་ཟང་ཟིང་ལ
166b3 བརྐམ་པ་རྣམས་དེ་བཞིན་གཤེགས་པ་མི་རྟག་གོ་ཞེས་ཟེར་ན། གང་ཟག་དེ་དག་ནི་ཚད་མ་མ་ཡིན་ཏོ་ཞེས་བྱ་བའི་དོན་ནོ།། དགེ་སློང་དག་ཁྱེད་ཀྱི་རྟེན་ནི་ངེས་པའི་དོན་ཡིན་གྱི། དྲང་བའི
166b4 དོན་མ་ཡིན་ནོ་ཞེས་བྱ་བ་ལ། ངེས་པ་ཞེས་བྱ་བ་ནི་ཐེག་པ་ཆེན་པོ་པ་རྣམས་ཡིན་ཏེ། དགོངས་པའི་ཚིག་དེ་བཞིན་གཤེགས་པའི་གསང་བ་ཐོས་ན་ཐེ་ཙོམ་གྱི་ཉེས་པ་མེད་པའི་ཕྱིར་ངེས
166b5 བཔ་ཞེས་བྱ་བ་སྟེ། ཡེ་ཤེས་ཀྱི་རྒྱ་མཚོ་ཆེན་པོ་ལས་བརྒལ་ཅིང་དེ་ལས་བྱུང་ཞེས་བྱ་བའི་དོན་ཏོ།། ངེས་པའི་ཡེ་ཤེས་ནི་ཐེག་པ་ཆེན་པོ་ཞེས་བྱ་སྟེ། ཐོགས་པ་མེད་པའི་ཡེ་ཤེས
166b6 པ་བྱའོ། ། ཐོགས་པའི་ཡེ་ཤེས་ནི་ཉན་ཐོས་ཀྱི་ཐེག་པ་པའོ།། ངེས་པའི་ཡེ་ཤེས་ནི་ཡེ་ཤེས་ཆེན་པོ་དང་། ཐེག་པ་ཆེན་པོ་ཞེས་བྱ་སྟེ། བྱང་ཆུབ་སེམས་དཔའ་གང་དག་དེ་བཞིན།
166b7 གཤེགས་པ་རྟག་པར་ཡང་དག་པར་ཁོང་དུ་ཆུད་པ་དེ་དག་ངེས་པར་བྱེད་པས་ན། དེའི་ཕྱིར་བྱང་ཆུབ་སེམས་དཔའ་རྣམས་ཀྱི་ཚིག་ནི་ཚད་མ་ཡིན་གྱི། དྲང་བའི་དོན་ནི་དེ་ལྟ་མ་ཡིན་ནོ།།
iiif viewer powered by OpenSeadragon
