| e-texts navigator |
| Wylie |
166a1 ཐོང་དག་ཁྱེད་ཀྱི་རྟེན་ནི་དོན་ཡིན་གྱི། ཡི་གེ་མ་ཡིན་ནོ།། བདག་ཅག་ལ་ནི་རྟེན་བནི་པོ་འདི་དག་ཚད་མ་ཡིན་གྱི། གང་ཟག་བཞི་པོ་རྣམས་ཚད་མ་མ་ཡིན་ནོ་ཞེས་བ
166a2 བ་ལེགས་པར་གསུངས་སོ། ། བཀའ་སྩལ་པ། ཆོས་ཉིད་ཅེས་བྱ་བ་ནི། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའོ།། དེ་བཞིན་གཤེགས་པ་ནི་རྟག་པ་དང་། བརྟན་པ
166a3 དང་ཐེར་ཟུག་པའོ་ཞེས་བྱ་བ་འདི་ནི་སངས་རྒྱས་ཐམས་ཅད་ཀྱི་ཆོས་ཉིད་དོ། ། དེ་བཞིན་གཤེགས་པ་མི་རྟག་པར་མཐོང་བ་གང་ཡིན་པ་དེ་དག་ནི། ཆོས་ཉིད་མི་ཤེས་པ་ཡིན་ནོ་ཞེས་ང
166a4 ཟེར་རོ། ། དེ་དག་ནི་གང་ཟག་ཡིན་ནོ་ཞེས་ཟེར་རོ།། དེ་དག་ནི་ཚད་མ་མ་ཡིན་ནོ་ཞེས་ད་ཟེར་རོ།། དེ་མ་ཡིན་པའི་གང་ཟག་བཞི་པོ་རྣམས་ནི་ཚད་མ་ཡིན་ནོ།།
166a5 གང་ཟག་བཞི་པོ་དགོངས་པའི་ཚིག་ལ་མཁས་པ་དང་། དེ་བཞིན་གཤེགས་པའི་གསང་བའི་དེ་ཁོ་ན་ཉིད་ཤེས་པ་དང་། རྟག་པ་ཡིན་པར་ཤེས་པ་གང་ཡིན་པ་དེ་དག་ནི་དེ་བཞིན་གཤེས
166a6 པ་མི་རྟག་གོ་ཞེས་སེམས་བསྐྱེད་ཀྱང་མི་སྲིད་དེ། གང་ཟག་བཞི་པོ་དེ་དག་ནི་རང་ཉིད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིན་ནོ།། སེམས་ཅན
166a7 གཞན་གང་དག་དེ་བཞིན་གཤེགས་པ་རྟག་གོ་ཞེས་བྱ་བའི་དགོངས་པའི་ཚིག་ཐམས་ཅད་ལ་མཁས་པའི་གང་ཟག་དེ་དག་ཀྱང་ཚད་མ་དང་རྟེན་དུ་གྱུར་པ་ཡིན་ནོ་ཞེས་ང་ཟེར་ན། བཞི་པོ་དེ
iiif viewer powered by OpenSeadragon
