| e-texts navigator |
| Wylie |
165b1 པའོ། འདི་ནི་ཚུལ་ཁྲིམས་འཆལ་པའོ།། དགེ་འདུན་འདི་དག་ནི་གཞི་ཆེན་པོ་བརྒྱད་ཀྱི་ཉེས་པ་དང་བྲལ་བ་མ་ཡིན་ནོ་སྙམ་དུ་རྟོགས་པར་མི་ནུས་སོ།། ཚུལ་ཁྲིམས་དང་ལྡན་པ་དང་ཚུལ་ཁྲིམས
165b2 འཆལ་པ་ནི་ལྷའི་མིག་དང་ལྡན་པ་རྣམས་ཀྱི་ཡུལ་ཡིན་གྱི། ཤའི་མིག་དང་ལྡན་པ་རྣམས་ཀྱི་ཡུལ་མ་ཡིན་ནོ།། གལ་ཏེ་མ་དག་པ་མཐོང་ན་ནི། ཇི་སྲིད་དུ་བཤགས་སུ་རུང་བའི་ཉེས་པ་བྱུང་བ་མ
165b3 བཤགས་ཀྱི་བར་དུ་དེ་དག་ལ་ཕྱག་ཀྱང་མི་བྱའོ། ། སྦྱིན་པའང་སྦྱིན་པར་མི་བྱའོ།། གཞི་ཆེན་པོ་བརྒྱད་ལེན་པའི་དགེ་འདུན་དག་ལ་ཇི་སྲིད་དུ་བདག་ཉིད་ཀྱི་ཉེས་པ་བཤགས་སུ་རུང་བ་མ་བཤག
165b4 པས་གངས་ཀྱི་རི་ལས་བྱུང་བའི་སྨན་བཞིན་དུ་དག་པར་མ་གྱུར་ཀྱི་བར་དུ་གོས་ཚོན་ཆེན་བགོས་པ་ཙམ་ལ་ཡིད་བསྟན་ཏེ་ཕྱག་མི་བྱའོ། ། དེ་དག་ལ་སྦྱིན་པའང་སྦྱིན་པར་མི་བྱའོ།། གསོལ་པ
165b5 བཅོམ་ལྡན་འདས་ལེགས་ལགས་སོ། ། ལེགས་ལགས་སོ།། བཅོམ་ལྡན་འདས་ཀྱིས་བཀའ་འདི་ནི་ལེགས་པར་གསུངས་པ་ལགས་ཏེ། དེ་རྡོ་རྗེ་རིན་པོ་ཆེ་བཞིན་དུ་སྤྱི་བོར་གནོན་པར་འཚལ
165b6 ལོའདི་ལ་བཅོམ་ལྡན་འདས་ཀྱིས་གསུངས་པ། དགེ་སློང་དག་བཞི་པོ་འདི་དག་ནི་རྟེན་བཞི་ཡིན་ཏེ། བཞི་གང་ཞེ་ན། དགེ་སློང་དག་ཁྱེད་ཀྱི་རྟེན་ནི་ཆོས་ཉིད་ཡིན་གྱི།། གང་ཟག
165b7 མ་ཡིན་ནོ། ། དགེ་སློང་དག་ཁྱེད་ཀྱི་རྟེན་ནི་ངེས་པའི་དོན་ཡིན་གྱི། དྲང་བའི་དོན་མ་ཡིན་ནོ།། དགེ་སློང་དག་ཁྱེད་ཀྱི་རྟེན་ནི་ཡེ་ཤེས་ཡིན་གྱི། རྣམ་པར་ཤེས་པ་མ་ཡིན་ནོ།། དགེ
iiif viewer powered by OpenSeadragon
