| e-texts navigator |
| Wylie |
165a1 རིགས་ཀྱི་བུ་གཞན་ཡང་དཔེར་ན་གྲོང་ཁྱེར་ཆེན་པོ་ཞིག་གི་སྤོས་ཀྱི་ཚོང་དུས་དག་ན། སྤོས་མ་དུ་ར་ག་དང་། གཞན་ཡང་སྤོས་ཀྱི་སྣ་གྲངས་དང་། སྨན་རྣམས་ཚོང་པ
165a2 དག་འཚོང་བར་བྱེད་ལ། དེ་ན་ཉོ་བའི་སེམས་ཅན་རྣམས་ཀྱིས་གངས་ཀྱི་རི་ལས་བྱུང་བའི་སྨན་ཅི་འདྲ་བ་མི་ཤེས་ནས། དེ་དག་གིས་དྲིས་ཏེ། གལ་ཏེ་གངས་ཀྱི་རི་ལས་བྱུང་བའི་སྤོས་མ
165a3 དུར་ག་ལྟ་ཅུང་ཟད་ཅི་ཡོད་བྱིན་ཅིག་ཅེས་བྱས་པ་དང་། དེས་གངས་ཀྱི་རི་ལས་བྱུང་བའི་སྤོས་ལྟར་བཅོས་པ་ལ། གངས་ཀྱི་རི་ལས་བྱུང་བའི་སྤོས་ཡིན་ནོ་ཞེས་བྱས་ཏེ་བྱིན་ནས།། དེ་དག
165a4 གིས་འདི་ནི་གངས་ཀྱི་རི་ལས་བྱུང་བ་ཡིན་ནོ་སྙམ་དུ་ཡང་དག་པར་ཡིད་ཆེས་ཏེ། བཅོས་མའི་སྤོས་རྣམས་ལེན་པར་བྱེད་པ་དེ་བཞིན་དུ། ཚུལ་ཁྲིམས་འཆལ་པ་འམ། ཚུལ་ཁྲིམས་དང་ལྡན
165a5 པབའང་རུང་སྟེ། དེ་དག་ལ་འདི་དག་ནི་ཉན་ཐོས་ཀྱི་དགེ་འདུན་ཡང་དག་པ་ཡིན་ནོ།། འདི་དག་ནི་དགེ་འདུན་དག་པ་ཡིན་ནོ།། འདི་དག་ནི་དགེ་འདུན་མཐུན་པ་ཡིན་ནོ་སྙམ་དུ་བསམས་ཏེ།།
165a6 ཤའི་མིག་དང་ལྡན་པའི་དགེ་བསྙེན་དེས་དེ་དག་ལ་ཕྱག་ཀྱང་བྱའོ།། སྦྱིན་པའང་སྦྱིན་པར་བྱའོ།། ཤའི་མིག་དང་ལྡན་པའི་དགེ་བསྙེན་གྱིས་སྤྲོས་ཀྱི་ཚོང་དུས་སུ་གངས་ཀྱི་རོ་ལས་བྱུང་བའི
165a7 སྨན་བཞིན་དུ། བཅོས་མ་མ་ཡིན་པ་རྟོགས་པར་དཀའ་འོ།། དེ་བཞིན་དུ་ལྷའི་མིག་མེད་པ་བྱེ་བྲག་མི་ཕྱེད་པས། གངས་ཀྱི་རི་ལས་བྱུང་བའི་སྨན་བཞིན་དུ་འདི་ནི་ཚུལ་ཁྲིམས་དང་ལྡན
iiif viewer powered by OpenSeadragon
