| e-texts navigator |
| Wylie |
164a1 ཐོག་ཁྲུ་བ་ཞིག་གིས་ཏེན་ཏུ་ཀའི་འབྲས་བུ་བཏུས་ནས་ཀ་ར་ཀའི་འབྲས་བུའང་དེའི་བཅུ་འགྱུར་ཙམ་དུ་བཏུས་ཏེ། ཏེན་ཏུ་ཀའི་འབྲས་བུ་ཡིན་ནོ་སྙམ་ནས།
164a2 རྣམས་ཀྱིས་སྐོན་པ་བཀང་སྟེ། གྲོང་དེ་ཉིད་དུ་འཚོང་བར་བྱེད་ལ། དེ་ནས་བྱིས་པ་རྣམས་ཀྱིས་འབྲས་བུ་རྣམ་པ་གཉིས་ཀ་ཏེན་དུ་ཀའི་འབྲས་བུ་ཡིན་ནོ་སྙམ་ནས། ཉོས་ཏེ་ཟོས་པ་དང་ཤིའོ
164a3 དེན་བྱེ་བྲག་ཕྱེད་པའི་མི་ཏེན་ཏུ་ཀའི་འབྲས་བུ་ཟ་འདོད་པ་གང་ཡིན་པ་དེ་དག་གིས་ནི་བུ་མོ་གཞོན་ནུ་དེ་ལ་ལེགས་པར་དྲིས་ཏེ། ཆེ་ཞེ་འདི་དག་ཕྱོགས་གང་ལོགས་ནས་བླངས་ཞེས་བྱས་པ་དང་།
164a4 དེས་དེ་དག་ལ་ཕྱོགས་བསྟན་ཏེ། དེ་དག་ལ་ཕྱོགས་བསྟན་པ་དང་། དེ་ནི་ཀ་ར་ཀའི་ཤིང་ནི་མང་ལ། ཏེན་ཏུ་ཀའི་ཤིང་ནི་གཅིག་པུ་ལས་མེད་པར་ཤེས་ཏེ། འདི་དག་ནི་དེ་ནས་བླངས་སོ་སྙམ
164a5 དུ་རིག་ལ། ཏེན་ཏུ་ཀའི་འབྲས་བུ་དེ་དག་བཙལ་ཏེ་མ་རྙེད་ནས། ཀ་ར་ཀའི་འབྲས་བུས་འཇིགས་ཤིང་སྐྲག་སྟེ། འཇིགས་པ་དེ་ཉིད་ཀྱིས་འཕྱ་བར་བྱེད་ཅིང་མ་ཉོས་པར་ཕྱིར་དོང་བ་དེ
164a6 བཞིན་དུ། རིགས་ཀྱི་བུ་དགེ་འདུན་གང་དག་གཞི་ཆེན་པོ་བརྒྱད་ཤེས་བཞིན་དུ་སྤྱོད་པར་བྱེད་པ་དེར། གལ་ཏེ་ཚུལ་ཁྲིམས་དང་ལྡན་པའི་དགེ་སློང་དག་འཁོད་ན། དེ་དག་ནི་ཇི་ལྟར་ཀ་ར་ཀའི་ཚལ
164a7 ན་ཏེན་ཏུ་ཀའི་ཤིང་འདུག་པ་བཞིན་དུ་དེ་དག་མཐོང་ན། ཚུལ་ཁྲིམས་དང་ལྡན་པ་ཡིན་དུ་ཟིན་ཀྱང་། དགེ་བསྙེན་ཤེས་རབ་ཅན་གྱིས་དེ་དག་ལ་ཕྱག་མི་བྱ་ཞིང་མཆོད་པའི་གནས་སུ་མི་བྱའོ།།
iiif viewer powered by OpenSeadragon
