| e-texts navigator |
| Wylie |
163b1 པར་ཤེས་པ་དེ་བཞིན་དུ། གཞི་ཆེན་པོ་བརྒྱད་ནི་དགེ་འདུན་གྱི་སྐྱོན་ཡིན་ཏེ། དེ་རྣམས་ཞིང་གི་རྡོ་དང་སྟེ་ལོང་བཞིན་དུ་བསལ་ནས། དེའི་འོག་ཏུ་ཤའི་མིག་གིས་དགེ་འདུན་གྱི་ནང
163b2 དུ་ཚུལ་ཁྲིམས་དང་ལྡན་པའི་དགེ་སློང་གི་གྲངས་སུ་རྩི་བར་བྱེད་དོ། ། སུའང་རུང་སྟེ་ནམ་སྐྱོན་ཅན་དུ་མ་གྱུར་པ་དང་། ཡོན་ཏན་གྱི་འབྲས་བུ་གསལ་བར་མ་གྱུར་ཀྱི་བར་དུ
163b3 འདི་ནི་འབྲུའོ། ། འདི་ནི་འབྱུ་ངན་པའོ་ཞེས་བྱ་བ་དེ་ལྟ་བུར་ཤའི་མིག་གིས་རྟོགས་པར་མི་ནུས་ཏེ། དེའི་དུས་ཀྱི་བར་སྐབས་སུ་ནི་ཞིང་བཞིན་དུ་དགེ་འདུན་གྱི་གྲངས་སུ་མགོ་མཉམ
163b4 དུ་རྩི་བར་འགྱུར་རོ། ། དེ་ཅིའི་ཕྱིར་ཞེ་ན། ཞིང་གི་སྐྱོན་ནི་ཞིང་གི་རྡོ་ཡིན་ལ། དགེ་འདུན་གྱི་སྐྱོན་ནི་གཞི་ཆེན་པོ་བརྒྱད་ཡིན་པའི་ཕྱིར་རོ།། ཉེས་པའི་མཆོག་སྦྲུལ་གདུག་པ
163b5 ལྟ་བུ་དང་བྲལ་བའི་དགེ་འདུན་ནི་ཞིང་ཞེས་བྱ་སྟེ། དགེ་སློང་སུའང་རུང་ཞིང་རྣམ་པར་དག་པ་ལྟ་བུར་གྱུར་པ་དེ་ནི་ལྷ་བཞིན་དུ་མཆེད་པར་བྱ་བ་དང་ཡོན་གནས་སུ་བྱ་བ་ཡིན་ནོ།། འབྲས
163b6 བུར་གྱུར་པ་དེའི་སྔ་རོལ་ཏུ་ནི་ཤའི་མིག་གིས་སྐྱོན་དང་ཡོན་ཏན་རྟོགས་པར་མི་ནུས་སོ། ། རིགས་ཀྱི་བུ་གཞན་ཡང་དཔེར་ན་གྲོང་གི་ས་ཁོར་ཅིག་གི་ནང་ན་ཤིང་ཀ་ར་ཀ་མང་པོའང་ཡོད།། དེའི
163b7 ནང་ན་ཤིང་ཏེན་ཏུ་ཀ་གཅིག་ཀྱང་ཡོད་ལ། ཏེན་ཏུ་ཀའི་ཤིང་དེ་ལའང་འབྲས་བུ་ཡོད། ཀ་ར་ཀའི་ཤིང་དེ་དག་ལའང་འབྲས་བུ་ཡོད་པ་ལས། དེ་ནས་བུ་མོ་གཞོན་ནུ་དབུལ་མོ་ཤིང
iiif viewer powered by OpenSeadragon
