| e-texts navigator |
| Wylie |
163a1 པ་རྒྱལ་ཁྲིམས་དང་ལྡན་པའི་མི་ནི་རྫོང་བཅོས་པ་བཞིན་དུ། དེ་ཉིད་བསྙེན་པར་རྫོགས་པ་ཡིན།། དྲི་མ་མེད་པ་དང་བཤགས་པས་བདག་ཉིད་དག་པར་བྱས་ནས་མདོ་སྡེ་དང་།
163a2 འདུལ་བའི་དེ་ཁོ་ན་ཉིད་ཀྱིས་རྫིང་བཅོས་པ་བཞིན་དུ་འཆོས་པར་བྱེད་དོ།། །། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས་བམ་པོ་བརྒྱད་པ།
163a3 གསོལ་པ། བཅོམ་ལྡན་འདས་ཀྱིས་ཨ་མྲའི་འབྲས་བུ་རྣམ་པ་བཞི་ལྟ་བུའི་མདོ་ལས་གསུངས་པའི་ཚུལ་ཁྲིམས་དང་ལྡན་པ་དང་། ཚུལ་ཁྲིམས་འཆལ་པ་དེ་ཇི་ལྟར་རྟོགས
163a4 བར་བགྱི་ལགས། བཀའ་སྩལ་པ། རིགས་ཀྱི་བུ་ཚུལ་ཁྲིམས་དང་ལྡན་པ་དང་། ཚུལ་ཁྲིམས་འཆལ་པ་ནི། ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ཆེན་པོ་ལས
163a5 རྟོགས་པར་བྱའོ། ། གསོལ་བ། ཇི་ལྟར་རྟོགས་པར་བགྱི་ལགས། བཀའ་སྩམ་པ། ཁྱིམ་བདག་ཞིང་པ་ལ་ལ་ཞིག་གིས་འབྲས་སཱ་ལུ་དང་། འབྲུ་དང་། ཁྲེ་རྒོད་ཀྱི་ཞིང་ལ་ཐོག་མ
163a6 ཁོ་ནར་ཞིང་གི་རྡོ་དང་། སྙེ་ལོང་མ་རྣམས་བསལ་དེ་དག་པར་བྱས་པ་དེ་ལ། དེ་ཕྱིན་ཆད་ནས་ནམ་འབྲས་བུར་མ་གྱུར་ཀྱི་བར་དུ། ཤའི་མིག་གིས་ཞོག་གི་གྲངས་སུ་རྩི་བར་བྱེད་ལ།
163a7 འབྲས་བུར་གྱུར་པའི་ཚེ་ན། ཕུབ་མ་དང་། ཁོང་སྟོང་དང་། འབྲས་བུ་དང་སྙིང་པོའི་བྱེ་བྲག་དང་། འདི་ནི་འབྲུ་ཡིན་ནོ།། འདི་ནི་འབྲུ་མ་ཡིན་ནོ་སྙམ་དུ་ཡང་དག
iiif viewer powered by OpenSeadragon
