| e-texts navigator |
| Wylie |
161a1 པ་ང་རྒྱལ་པོའི་ཞེལ་རྫ་ནས་བཀའ་ཅི་སྩལ་པ་དེ་བཞིན་དུ་བགྱིའོ་ཞེས་བྱས་ཏེ། དེ་ནས་རྒྱལ་པོ་དེས་དེ་མདུན་ན་འདོན་དུ་དབང་བསྐུར་ཏོ།། དེ་ནས་བྲམ་ཟེ་རྣམས་ན་རེ
161a2 གདོལ་པའི་མདུན་ན་འདོན་པར་ཁས་བླངས་པ། ངན་པ་འདི་ངན་པ་འདི་ཞེས་འཛེར་ཏོ།། དེ་ནས་དེ་བཞིན་དུ་རྒྱལ་པོས་དེ་ལ་རྒྱལ་སྲིད་ཀྱི་ཕྱེད་བྱིན་ནས་དེ་དང་ལྷན་ཅིག་ཏུ་རྒྱལ་པོ་བྱེད་དོ།།
161a3 ། དེ་ནས་སྐབས་ཤིག་ཏུ་བྲམ་ཟེ་དེས། གདོལ་པའི་རྒྱལ་པོ་དེ་ལ་སྨྲས་པ། རྒྱལ་པོ་ཆེན་པོ་བདག་གིས་བྲམ་ཟེའི་ཚུལ་བོར་ནས་ཁྱོད་ཀྱི་མདུན་ན་འདོན་བགྱི་བར་ཁས
161a4 བླངས་ཏེ། ཁྱོད་ལ་རིག་པ་རེ་རེ་ནས་བསླབ་སྙམ་ན་ཁྱོད་ད་དུང་བདག་ལ་ཐུགས་མི་བརྟན་ནམ། དེ་ནས་རྒྱལ་པོ་དེས། དེ་ལ་སྨྲས་པ། ཁྱོད་ལང་ཅི་སྟེ་ཡིད་མི་རྟོན།། དེ་ལྟ་བུའི་ཡོན
161a5 ཏན་དང་ལྡན་པ་ཁྱོད་ལ་ཡིད་རྟོན་གྱིས། ད་ནི་རྒྱལ་པོ་ཤི་བ་དེའི་བདུད་རྩིའི་བུམ་པ་འདི་ཕྱེད་ཕྱེད་མཉམ་དུ་བཏུང་ངོ་ཞེས་བྱས་སོ།། དེ་ནས་ཐོག་མ་ཁོ་ནར་བློན་པོ་དེས་འཐུངས་པའི་འོག་ཏུ།
161a6 བདུད་རྩི་དེའི་ནང་དུ་ཐབས་ཀྱིས་བཏུང་བ་གཞན་བླུགས་ནས་རྒྱལ་པོ་དེས་འཐུང་བ་དང་། བརྒྱལ་ཏེ་ཤི་བ་བཞིན་དུ་འདུག་གོ།། དེ་ནས་བྲམ་ཟེ་དེས། རྒྱལ་པོ་སྔ་མའི་བུ་རྒྱལ་པོ་ནུས་པ་རྒྱལ་པོར་བཅུག
161a7 ནས་སྨྲས་པ། རྒྱལ་སྲིད་འདི་ལོང་ལ་ཆུད་མ་ཟོས་པར་གྱིས་ཤིག། གདོལ་པ་ནི་རྒྱལ་སྲིད་འདི་ལ་རྒྱལ་པོའི་འོས་མ་ཡིན་ཏེ་ཁྱོད་ཉིད་རྒྱལ་པོར་འོས་པ་ཡིན་ནོ།། གདོལ་པས་རྒྱལ་པོ
iiif viewer powered by OpenSeadragon
