| e-texts navigator |
| Wylie |
159b1 ཆེན་ལྷ་ལ་བྱ་བ་བཞིན། ། དེ་ལ་བཀུར་སྟི་ཕྱག་ཀྱང་བྱ།། ཞེས་ཀྱང་གསུང་ངམ། ཚིག་གི་དོན་འདི་གཉིས་ནི་དཔྱད་འཚལ་ལགས་སོ།། དེ་མ་ལགས་ན། དེ་ལྟར་བགྱིས་ཀྱང་དམ་པའི་གནས
159b2 སུ་འགྱུར་ལགས་སོ། ། བཅོམ་ལྡན་འདས་དགེ་སློང་ཚུལ་ཁྲིམས་དང་ལྡན་རྣམས་བསླུ་བར་མཛད་ལགས་སམ། འདི་ལ་ནོངས་པ་མང་དུ་མཆིས་ལགས་ན། བཅོམ་ལྡན་འདས་ཀྱིས་མདོ་མང
159b3 པོ་དག་ལས་ཚུལ་ཁྲིམས་འཆལ་པ་རྣམས་ཆད་པས་བཅད་པར་བཀའ་སྩལ་ན་ཅི་ལགས། དེ་བཞིན་གཤེགས་པས་འདིར་དགོངས་ཏེ་གསུངས་སམ། བཅོམ་ལྡན་འདས་ཀྱིས་བཀའ་སྩལ
159b4 པང་རྒན་ནམ་ཡང་ན་གཞོན་ཡང་རུང་། ། གང་ལས་ཆོས་ནི་རྟོགས་འགྱུར་བ།། དབང་ཆེན་ལྷ་ལ་བྱ་བ་བཞིན།། དེ་ལ་བཀུར་སྟི་ཕྱག་ཀྱང་བྱ།། ཞེས་བྱ་བ་ནི། མ་འོངས་པའི་དུས
159b5 ཀྱི་བྱང་ཆུབ་སེམས་དཔའ་རྣམས་ཀྱི་ཕྱིར་ངས་བསྟན་པ་ཡིན་གྱི། ཉན་ཐོས་ཀྱི་ཐེག་པ་པ་རྣམས་ཀྱི་ཕྱིར་དེ་སྐད་བསྟན་པ་ནི་མ་ཡིན་ནོ།། རིགས་ཀྱི་བུ་ངས་སྔར་བསྟན་པའི་དམ་པའི
159b6 ཆོས་ནུབ་པའི་དུས་དང་། ཚུལ་ཁྲིམས་དང་ལྡན་པ་འགྲིབ་པའི་དུས་དང་། ཚུལ་ཁྲིམས་འཆལ་པའི་ཕྱོགས་རྣམ་པར་འཕེལ་བའི་དུས་དང་། ངེས་པར་གྲོལ་བ་དང་། ཆགས་པ
159b7 མེད་པ་ཟད་པའི་དུས་དང་། བྲན་དང་བྲན་མོ་ལ་སོགས་པ་རྫས་ངན་པ་དུ་མ་ཡོངས་སུ་འཛིན་པར་བྱེད་པའི་དུས་ན། སྐྱེས་བུ་བཞིའི་ནང་ནས་གཅིག་ཙམ་ཡང་བྲན་དང་བྲན་མོ་ལ་སོགས
iiif viewer powered by OpenSeadragon
