| e-texts navigator |
| Wylie |
158b1 དག་ནི་སངས་རྒྱས་དགྲ་བཅོམ་པ་རྣམས་ཀྱི་ཡང་དག་པར་རྫོགས་པའི་བྱང་ཆུབ་གང་ཡིན་པ་དེ་རིམས་ཀྱིས་ཐོབ་པར་འགྱུར་རོ། ། རིགས་ཀྱི་བུ་དེ་བས་ན་སྔར་བསྟན་པའི་གང་ཟག་བཞི་པོ་རྣམས
158b2 རྟེན་དུ་གྱུར་པ་ཡིན་ཏེ། ། དེ་དག་གིས་སངས་རྒྱས་ཀྱིས་གསུངས་པ་མ་ཡིན་པའི་མདོ་སྡེ་ལ་སངས་རྒྱས་ཀྱིས་གསུངས་སོ་ཞེས་སྟོན་མི་སྲིད་དེ། སྐབས་མེད་དོ།། དེ་བས་ན་རྟེན་དུ་གྱུར་པ་ཡིན
158b3 ནོགང་ཟག་བཞི་པོ་འདི་རྣམས་ཀྱི་ནང་ནས་གཅིག་ཙམ་གཅིག་ནའང་དེ་ལ་མཆོད་པར་གྱིས་ཤིག། སྲུང་བར་གྱིས་ཤིག། གསོལ་པ། དེ་ལ་ཇི་ལྟར་མཆོད་པར་འཚལ། བཀའ
158b4 སྒྲུབ་པ། གང་ཟག་དེ་ནི་བདག་གི་སྲོག་ཡོངས་སུ་བཏང་ནས། དམ་པའི་ཆོས་འབྱིན་པ་ཡིན་གྱིས། དེ་ལས་དམ་པའི་ཆོས་སྲུང་བ་ལ་བསླབ་པར་གྱིས་ཤིག། བསླབས་ནས་ཀྱང་སློབ
158b5 དཔོན་དེ་ལ་མཆོད་པ་གྱིས་ཤིག། ཉན་ཐོས་ཀྱི་ཐེག་པ་ལས་ཀྱང་ངས་བསྟན་ཏེ། རྒན་ནམ་ཡང་ན་གཞོན་ཀྱང་རུང་།། གང་ལས་ཆོས་འདི་རྟོགས་འགྱུར་བ།། བྲམ་ཟེ་སྲེག་སྦྱིན་མེ
158b6 བཞིན་དུ། ། དེ་ལ་བཀུར་སྟི་ཕྱག་ཀྱང་བྱ།། རྒན་ནམ་ཡང་ན་གཞོན་ཀྱང་རུང་།། གང་ལས་ཆོས་ནི་རྟོགས་འགྱུར་བ།། དབང་ཆེན་ལྷ་ལ་བྱེད་པ་བཞིན།། དེ་ལ་བཀུར་སྟི་ཕྱག་ཀྱང་བྱ།།
158b7 ཞེས་བསྟན་པ་ཡིན་ནོ།། གསོལ་པ།། སློབ་དཔོན་ལ་མཆོད་པ་བགྱིས་པ་ནི་རིགས་ལགས་ན། དགེ་སློང་རྒན་པོ་ཚུལ་ཁྲིམས་དང་ལྡན་པས་གསར་བུ་ལ་ཕྱག་བགྱི་བ་ནི་མི་རིགས་ཏེ། འདི
iiif viewer powered by OpenSeadragon
