| e-texts navigator |
| Wylie |
158a1 ལ་ཉི་མ་ཤར་མ་ཐག་ཏུ་ནི་མ་ལུས་པར་སངས་པར་འགྱུར་བ་དེ་བཞིན་དུ། རིགས་ཀྱི་བུ་སེམས་ཅན་དེ་དག་གི་སྡིག་པ་གྲངས་མེད་པའང་གང་གི་ཚེ་ཡོངས་སུ་མྱ་ངན་ལས
158a2 འདས་པ་ཆེན་པོའི་ཉི་མ་མ་ཤར་གྱི་བར་དུ་ནི་གནས་ལ། གང་གི་ཚེ་ཡོངས་སུ་མྱ་ངན་ལས་འདས་པ་ཆེན་པོའི་ཉི་མ་ཤར་བ་དེའི་ཚེ་ནི། སྡིག་པ་དེ་དག་མ་ལུས་པར་འབྱུང་བར་འགྱུར་རོ།། རིགས
158a3 ཀྱི་བུ་གཞན་ཡང་དཔེར་ན་ལ་ལ་ཞིག་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འདོད་ལ། ད་དུང་གཞོན་ནུའི་ཚུལ་ཁྲིམས་ཀྱང་མ་བླངས་པར། མི་ལ་ལ་ཞིག་གིས་དེ་བཞིན་གཤེགས་པ་ལ
158a4 སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ། ཁྱིམ་པ་དེའང་ཆོས་གོས་བགོས་ནས་དེ་བཞིན་གཤེགས་པའི་ཉན་ཐོས་རྣམས་དང་ཐབས་ཅིག་ཏུ་གྲོང་གི་ནང་དུ་སོང་སྟེ་བཀོད་ན
158a5 དེ་བཞིནི་གཤེགས་པའི་ཉན་ཐོས་ཀྱི་དགེ་འདུན་གྱི་གྲངས་སུ་གཏོགས་པ་དེ་བཞིན་དུ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མདོ་སྡེ་འདི་ལ་སློབ་པ་ནི། བྱང་ཆུབ
158a6 སེམས་དཔའ་སེམས་དཔའ་ཆེན་པོ་ས་བཅུ་ཐོབ་པ་རྣམས་ཀྱི་གྲངས་སུ་གཏོགས་སོ། ། འདི་ལས་ཕྱི་རོལ་ཏུ་གྱུར་པ་རྫས་ཀྱིས་བྲིད་པའི་ཕྱིར་རམ། གཏམ་ཟླར་བྱས་པའི་ཕྱིར་རམ། རྙེད
158a7 པ་དང་། བཀུར་སྟི་དང་། ཚིགས་སུ་བཅད་པ་འདོད་པའི་ཕྱིར་ཐོས་པ་ཙམ་དུ་ཟད་དེ་མདོ་སྡེ་སྤོང་བར་མི་བྱེད་ན། ང་རྒྱལ་གྱི་དབང་གིས་སྤོང་བ་མ་གཏོགས་པར། སེམས་ཅན་གཞན་དེ
iiif viewer powered by OpenSeadragon
