| e-texts navigator |
| Wylie |
157b1 སྐུར་བ་ཙམ་གྱིས་འབྱང་བར་འགྱུར་རོ།། གཞན་ཡང་ཕྱི་མའི་དུས་ན་གཞན་གྱིས་བརྙས་པར་འགྱུར་བ་དང་། མདོག་ངན་པར་འགྱུར་བ་དང་། མལ་ཆ་དང་། སྟན་དང་། ཁ་ཟས
157b2 ངན་པར་འགྱུར་བ་དང་། རྙེད་པ་མེད་པར་འགྱུར་བ་དང་། དབུལ་བའི་རིགས་སུ་སྐྱེ་བ་དང་། ཕལ་པའི་རིགས་སུ་སྐྱེ་བ་དང་། ལོག་པར་ལྟ་བའི་རིགས་སུ་སྐྱེ་བ་དང་། རྒྱལ་པོ་འཁྲུག
157b3 བ་དང་། ཡུལ་འཁྲུག་པ་དང་། སྡུག་པའི་དངོས་པོ་འཁྲུག་པ་དང་། དགེ་བའི་བཤེས་གཉེན་མི་མཐོང་བ་དང་། གོས་དང་། ཟས་དང་། མལ་ཆ་དང་། སྟན་དང་། ནད
157b4 གསོས་དང་། སྨན་ཟོང་མེད་པ་དང་། རྙེད་པ་ཆུང་བ་དང་། བཀྲེས་པ་དང་། སྐོམ་པས་ཉམ་ཆུང་བའི་གནོད་པ་དང་ལྡན་པ་དང་། སྐྱེ་བོ་ཕལ་པས་དགའ་བར་བྱ་བ་དང་། རྒྱལ
157b5 པོ་དང་། བློན་པོ་དང་། ཕོ་བྲང་འཁོར་གྱི་མི་རྣམས་ཀྱིས་ཆོས་ཀྱི་གཏམ་མི་འཛིན་པ་དང་། ཆོས་སྨྲ་བའི་ཕྱོགས་མི་བྱེད་པ་དང་། བློན་པོ་དང་། སྡེ་དཔོན་གང་དག་ཕྱོགས་དང་མགོན
157b6 བྱེད་དུ་རེ་བ་དེ་དག་ཀྱང་སོ་ཤིག་གཏོལ་མེད་པར་འགྱུར་བ་དང་། དམ་པའི་ཆོས་ཀྱི་ཕྱོགས་མི་བྱེད་པ་དང་། བཟང་ནའང་མི་མཛེས་པ་དང་། བལྟ་ན་སྡུག་ནའང་བལྟ་ན་མི་སྡུག་པར་འགྱུར
157b7 ཏེདེ་ལྟར་ན་ངའི་ཉན་ཐོས་གང་དག་འཇིག་རྟེན་ན་མདོ་སྡེ་ཆེན་པོ་སྟོན་པ་རྣམས་ནི་དཀའ་བ་བྱེད་པ་ཡིན་ནོ། ། རིགས་ཀྱི་བུ་དཔེར་ན་ལྟོ་བུར་ཤིན་ཏུ་སྟུག་པོའང་ཉི་མ་མ་ཤར་གྱི་བར་དུ་ནི་གནས
iiif viewer powered by OpenSeadragon
