| e-texts navigator |
| Wylie |
156b1 སངས་རྒྱས་གངྒཱའི་ཀླུང་བདུན་གྱི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ལུང་ནོད་པར་བྱེད། འདྲི་བར་བྱེད།། བྲིས
156b2 ནས་ཀྱང་འཛིན་པར་བྱེད་ལ། དོན་ནི་ཕྱེད་རྟོགས་པར་འགྱུར་ཏེ། དོན་རྫོགས་པར་རྟོགས་པར་མི་འགྱུར་རོ།། གང་དག་གོས་སངས་རྒྱས་གངྒཱའི་ཀླུང་བརྒྱད་ཀྱི་བྱེ་མ་སྙེད་ལ་བྱང་ཆུབ
156b3 ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ལུང་ནོད་པར་བྱེད། ཉན་པར་བྱེད། འདྲི་བར་བྱེད།། བྲིས་ནས་འཛིན་པར་བྱེ། འཆང་བར
156b4 བྱེད་ཀློག་པར་བྱེད། སྟོན་པར་བྱེད། སྤང་བར་བྱེད། སྲུང་བར་བྱེད། འཆད་པར་བྱེད་དེ། འཇིག་རྟེན་ཐམས་ཅད་ལ་སྙིང་བརྩེ་བའི་ཕྱིར། གླེགས་བམ་རྣམས་ལ་མཆོད་པ་དང
156b5 བཀུར་སྟི་བྱེད། གཞན་དག་ཀྱང་བྱེད་དུ་འཇུག་ཅིང་བླ་མ་ལ་གུས་པ་ལྟ་བུར་ལྟ་བར་བྱེད་ལ། དོན་ཡང་རྫོགས་པར་རྟོགས་པར་འགྱུར་ཏེ། བཅོམ་ལྡན་འདས་ནི་རྟག་པ་དང་། བརྟན་པ་དང
156b6 ཐེར་ཟུག་པ་དང་། མི་གཡོ་བ་དང་། ཤིན་ཏུ་བདེ་བའོ་ཞེས་བྱ་བ་དང་། སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་དོ་ཞེས་སྟོན་པར་བྱེད་དོ།། དེ་ལྟར་ན་སྔོན་སངས
156b7 རྒྱས་དུ་མ་ལ་བསྙེན་བཀུར་བྱེད་བྱེད་པའི་སེམས་ཅན་རྣམས་ནི་དམ་པའི་ཆོས་འབྱིན་པར་འགྱུར་ཞིང་། དམ་པའི་ཆོས་ཀྱི་ཕྱོགས་འཛིན་པར་འགྱུར་རོ།། གང་དག་གིས་ད་ལྟར་བྱང་ཆུབ
iiif viewer powered by OpenSeadragon
