| e-texts navigator |
| Wylie |
155b1 འདྲིར་འཇུག་པ་ནི་ཅི་འདྲ་བ་དག་ཅིག་ལགས་པ་དེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སེམས་ཅན་ཐམ་ཅད་ལ་སྨན་པའི་སླད་དུ་བཀའ
155b2 སུམ་དུ་གསོལ། བྱང་ཆུབ་སེམས་དཔའ་ཡང་དག་པར་སློབ་པར་འཚལ་བའང་མཆིས་ཏེ། དེ་དག་གིས་ཐོས་ན་ཅི་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཡོངས
155b3 སུ་ཉམས་པར་མི་འགྱུར་བར་སྒྲུབ་པར་འགྱུར་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། རིགས་ཀྱི་བུ་ཁྱོད་དོན་འདི་འདྲི་བ་ནི
155b4 ལེགས་སོ། ། རིགས་ཀྱི་བུ་གང་དག་གིས་སངས་རྒྱས་ཆུ་ཀླུང་གསེར་གྱི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ན་བྱང་ཆུབ་ཀྱི་སེམས་ཉམས་སུ་ལེན་པར
155b5 གྱུར་ཏེ། ཉམས་སུ་མི་ལེན་པར་མི་འགྱུར་རོ།། མདོ་སྡེ་སྤོང་བར་ཡང་མི་འགྱུར་རོ།། གང་དག་གིས་སངས་རྒྱས་གངྒཱའི་ཀླུང་གི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི།།
155b6 ཕྱི་མའི་དུས་ན་མཚུངས་པ་མེད་པ། སྤོང་བའི་སེམས་སྐྱེད་པར་མི་བྱེད་དོ།། མོས་པར་བྱེད་ཅིང་དེར་ཚིག་གིས་སྐྱེ་བོ་ཐམས་ཅད་ལ་རྒྱས་པར་གོ་བར་བྱེད་པར་འགྱུར་རོ།། གང་དག
155b7 གིས་སངས་རྒྱས་གངྒཱའི་ཀླུང་གཉིས་ཀྱི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ནའང་བྱང་ཆུབ་ཏུ་སེམས་སྐྱེད་པར་འགྱུར་ཏེ། སྤོང་བར་མི་འགྱུར་རོ།།
iiif viewer powered by OpenSeadragon
