| e-texts navigator |
| Wylie |
152b1 འགྱུར་ལ། རུབ་བཟང་པོ་གང་ཡིན་པ་དེ་དག་ནི་ཁྲེལ་གྱིས་དོགས་ཏེ་འཕེན་པར་བྱེད་དོ།། རུ་བ་ངན་པ་དེ་དག་ནི་དེ་དག་གིས་སྐྲག་ནས་འབྱེར་བར་འགྱུར་བ་དེ་བཞིན་དུ། དེ་བཞིན་གཤེགས་པའང་ཅན།།
152b2 ཐོས་ཀྱི་ཐེག་པ་པ་རྣམས་དཔའ་བོ་སློབ་པར་མཛད་དེ། ཁྱེད་བདུད་སྡིག་ཅན་རུབ་སྔར་མ་ལྟ་བུས་མ་འཇིགས་པར་དཔའ་སློབ་པ་བཞིན་དུ་རྡུལ་ཕོད་པར་གྱིས་ཤིག་དང་། བདུད་ཡིད་མི་བདེ་བར
152b3 འགྱུར་རོ་ཞེས་སྟོན་ཏོ། ། རིགས་ཀྱི་བུ་གཞན་ཡང་རིགས་ཆེན་པོ་དཔའ་བོ་འམ། དཔའ་བོའི་བུ་ལ་ལ་ཞིག་སུ་ལའང་དཔའ་མ་བསླབས་ཏེ། དེའི་སློབ་དཔོན་སུའང་མེད་བཞིན་དུ། དེ་རང
152b4 བཞིན་གྱིས་དཔའ་ལ་རིགས་ཀྱི་ཆོས་ལུགས་སུ་གྱུར་པ་རང་གིས་དཔའ་རིགས་ཀྱིས་རྐྱེན་དུ་འཚམ་པར་དཔའ་བ་དེ་བཞིན་དུ། ཐེག་པ་ཆེན་པོ་པ་སྐྱེས་པ་འམ། བུད་མེད་དམ། ཁྱེའུ་འམ
152b5 བུ་མོའང་རུང་སྟེ། དེ་དགགིས་དགོངས་ཏེ་གསུངས་པའི་མདོའི་ཚིག་སྣ་ཚོགས་ཐོས་ན། དེ་མི་སྐྲག་མི་དངང་བ་དེ་དག་ནི་སྔོན་སངས་རྒྱས་དུ་མ་ལ་བསྙེན་བཀུར་བྱེད་བྱེད་པ་ཡིན་ཏེ།
152b6 དེ་ནས་དེ་དག་གིས་ཐེག་པ་ཆེན་པོ་འདི་ཁོང་དུ་ཆུད་ནས་མངོན་པར་དད་པར་འགྱུར་ཏེ། བདུད་དམ་བདུད་བྱེ་བའང་རུང་།། དེ་དག་མཐོང་ན་ཐེག་པ་ཆེན་པོ་པ་རྣམས་སྐྲག་པར་མི་འགྱུར་ཏེ
152b7 ཅུང་ཟད་ཀྱང་ཡ་མཚན་དུ་མི་འཛིན་ཏོ། ། དཔེར་ན་སྦྲུལ་འཛིན་པའི་མི་ལ་ལ་ཞིག་གིས་སྨན་གནོད་སེལ་དང་སྔགས་ཀྱི་མཐུས་སྦྲུལ་གདུག་པ་རྣམས་ཀྱི་དུག་མེད་པར་བྱེད་ལ། དེ་དག་གིས
iiif viewer powered by OpenSeadragon
