| e-texts navigator |
| Wylie |
152a1 ཉན་ཐོས་ཀྱི་ཐེག་པ་པ་རྣམས་ལའང་ལྷའི་མིག་དང་ལྡན་པ་དག་ཡོད་མོད་ཀྱི། དེ་དག་ནི་ཤའི་མིག་ཅེས་བྱ་བའི་གྲངས་སུ་གཏོགས་སོ།། ཐེག་པ་ཆེན་པོ་པ་རྣམས་ཀྱང་ཤ
152a2 མིག་དང་ལྡན་པ་དག་ཡོད་མོད་ཀྱི། དེ་དག་ནི་སངས་རྒྱས་ཀྱི་སྤྱན་ཞེས་བྱ་བའི་གྲངས་སུ་གཏོགས་སོ།། དེ་ཅིའི་ཕྱིར་ཞེ་ན། ཐེག་པ་ཆེན་པོ་སངས་རྒྱས་ཀྱི་ཐེག་པའི་མདོའི་དེ་ཁོ་ན་ཉིད་འཛིན་པའི་ཕྱིར་རོ།།
152a3 རིགས་ཀྱི་བུ་གཞན་ཡང་དཔེར་ན་མི་དཔའ་བོ་ཡུལ་ཕྱོགས་སུ་གྲངས་པ་སྙིང་སྟོབས་ཅན་རྟུལ་ཕོད་པ་འགའ་ཞིག་ཡོད་ལ། དེ་ལ་མི་སྔར་མ་འགའ་ཞིག་རྟེན་ཏེ། སྔར་མ་དེ་དཔའ་བོ་དེ་ལ་དཔའ་སློབ་པ་ན་དེ
152a4 ལ་བསྒོ་བ། ཀྱེ་མི་ཁྱོད་དཔའ་བོར་འགྱུར་བར་འདོད་ན་རལ་གྲིའི་སོ་གཏམས་པའི་སྟེང་དུ་འགྲོ་བར་གྱིས་ཤོག། གང་དང་གང་གི་ཚེ་འཐབ་པ་དེ་དང་དེའི་ཚེ། སུས་ཀྱང་མི་འཇིགས་པར་གྱིས་ཤིག
152a5 བྷའང་རུང་། གཏུམ་པོའང་རུང་སྟེ། རྩཝ་ཙམ་དུ་ལྟོས་ཤིག། སྙིང་སྟོབས་དང་རྟུལ་ཕོད་པ་ལ་བརྩོན་པར་གྱིས་ཤིག། རུབ་ངན་པ་ཁ་ཅིག་དཔའ་བོའི་ཆ་ལུགས་སུ་བསྒྱུར་ནས་དཔའ་བོའི
152a6 མཚོན་ཆ་ཐོགས་ཏེ་ཨུར་མོའི་རལ་གྲི་ཤུབས་ནས་ཕྱུང་ནས། ཕྱེ་མར་རློག་པ་ལྟར་བྱེད་ཅིང་འོང་ལ་རལ་གྲི་གཅིག་ལ་གཅིག་བརྡབས་པ་ལས་མེ་སྟག་འཕྲོ་བར་བྱེད་དེ། ཁུས་འདེབས་ཤིང་ཁྲོམ
152a7 གྱི་ནང་དུ་འོང་བ་དེ་ལྟ་བུ་དག་མཐོང་ནས་མ་འབྲོས་ཤིག་དང་། རུང་ངན་པ་གང་ཡིན་པ་དེ་དག་གིས་ཀྱང་དེ་དག་མཐོང་ན། འདི་དག་ནི་དཔའ་བོ་ཡིན་ནོ་སྙམ་དུ་རིག་ནས་ཁྱི་རྐུན་བཞིན་དུ་འབྱེར་བར
iiif viewer powered by OpenSeadragon
