| e-texts navigator |
| Wylie |
151b1 དོགས་ན་ངའང་ཚར་ཆོད་ཅིག། རིགས་ཀྱི་བུ་དཔེར་ན་མཚན་མོ་མུན་པའི་ནང་དུ་ཁྱི་རྐུན་འོངས་པ་ཚོར་ན། ཁྱིམ་བདག་མོ་འམ། ཟན་མོས་དེ་ལ་འདི་སྐད་དུ་ཁྱི་རྐུན་ཁྱོད་ངས་མ་བསད་པར
151b2 སྦྱིན་པར་ཕྱིར་སོང་ཞིག་ཅེས་བྱས་ནས་ཁྱི་རྐུན་དེས་དེ་སྤྱད་ཐོས་པ་དང་། ཀྱོར་བརྒྱུགས་ཏེ་སོང་ལ་བྱིན་རྒྱུད་ཀྱང་ཁྱིམ་དེར་མི་འོང་བ་དེ་བཞིན་དུ། ཁྱོད་ཀྱིས་བདུད་སྡིག་ཅན་གྱི་རྐུན་བཞིན་དུ
151b3 ཚར་ཆོད་ལ། སྡིག་ཅན་དེ་ལྟར་མ་བྱེད་པར་ངས་བཅིང་བ་རྣམ་པ་ལྔས་མ་བཅིངས་པར་སྐྱེན་པར་ཕྱིར་སོང་ཞིག་ཅེས་དེ་ལ་དེ་སྐད་གྱིས་ཤིག་དང་། དེས་དེ་སྐད་ཐོས་མ་ཐག་ཏུ་ཁྱི
151b4 རྐུན་བཞིན་དུ་ཕྱིར་ལྡོག་པར་འགྱུར་ཏེ། དེ་ལྟར་བདུད་ཚར་གཅོད་པར་བྱེད་པ་གང་ཡིན་པ་དེ་དག་ནི་དམ་པ་ཡིན་ཏེ། མྱ་ངན་ལས་འདས་པའི་དྲུང་ཁོ་ན་ན་འདུག་གོ་ཞེས།། བཅོམ་ལྡན
151b5 འདས་ཀྱིས་ཁྱིམ་བདག་གདངས་ཅན་ལས་གླེངས་ཏེ་བདུད་ཚར་གཅོད་པ་ན་བཀའ་སྩལ་ལགས་ན། བཅོམ་ལྡན་འདས་ཅིའི་སླད་དུ་གང་ཟག་བཞི་པོ་རྣམས་རྟེན་དུ་གྱུར་པར་གཞོག་པར་མཛད་ལགས།།
151b6 བདག་ནི་དེ་རྣམས་ལ་མི་ཉན་ཅིང་གློབ་མི་ཆེས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ནི་དེ་བཞོན་ཏེ། ངས་ཇི་སྐད་སྨྲས་པ་དེ་ནི་དེ་ཁོ་ན་བཞིན་ནོ།། དེ་ལྟ་མོད་ཀྱི
151b7 ངས་བདུད་ཚར་བཅད་པར་སྨྲས་པ་ནི་བྱིས་པ་ཉན་ཐོས་ཀྱི་ཐེག་པ་པ་ཤའི་མིག་དང་ལྡན་པ་རྣམས་ཀྱི་དོན་དུ་སྨྲས་པ་ཡིན་གྱི། ཐེག་པ་ཆེན་པོ་པ་རྣམས་ཀྱི་དོན་དུ་བདུད་ཚར་བཅད་པར་སྨྲས་པ་མ་ཡིན་ནོ།།
iiif viewer powered by OpenSeadragon
