| e-texts navigator |
| Wylie |
151a1 པོ་མང་པོ་ལ་བདེ་བའི་ཕྱིར་འཇིག་རྟེན་དུ་འབྱུང་ངོ་། ། དེ་དག་ནི་དེ་བཞིན་གཤེགས་པ་བཞིན་དུ་དྷ་དང་མི་རྣམས་ཀྱི་སྟོན་པ་ཡིན་ཏེ། བཞི་ཅར་ཡང་སྐྱེས་བུ་ཚད་མ་ཡིན་ནོ།
151a2 རྟེན་དུ་གྱུར་པ་ཡིན་ནོ།། གསོལ་པ། གང་ཟག་བཞི་པོ་དེ་དག་ནི་བདག་གི་ཚད་མའང་ལགས། དེ་དག་ནི་རྟེན་དུ་གྱུར་པའང་མ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས
151a3 ཁྱིམ་པ་དག་གདངས་ཅན་ལས་བརྩམས་ཏེ་བདུད་ཚར་བཅད་པར་བཀའ་སྩལ་པའི་ཚེ། གལ་ཏེ་ལྟ་འམ། བདུད་དོམ། ཚངས་པའང་རུང་སྟེ། ང་དང་འདྲ་བར་ལུས་མཚན་སུམ་ཅུརྩ
151a4 གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་པ་དང་། འོད་འདོམ་གང་དང་ལྡན་པ་དང་། བཞིན་མཛོད་སྤུས་བརྒྱན་པའི་སངས་རྒྱས་ཀྱི་སྐུའི་ཚུལ་གྱིས་འོངས་སུ་ཟིན་ཀྱང་དེ་ཁྱོད
151a5 ཀྱིས་ཚར་ཆོད་ཅིག་ཅེས་ངས་གནང་སྟེ། སྡིག་ཅན་ཁྱོད་འདི་ལྟར་དགྲ་བཅོམ་པའི་གཟུགས་ཀྱིས་དགྲ་བཅོམ་པ་བཞིན་དུ་བདག་ཉིད་མ་འདུག་ཅིག། སྡིག་ཅན་ཁྱོད་ནམ་མཁའ་ལ་ཉམ
151a6 བར་བྱེད་ཅིང་། གློ་གཡོན་ཕྱོགས་ནས་མེ་འབར་བར་བྱེད་པ་དང་། གཡས་ཕྱོགས་ནས་ཆུ་འབེབས་པ་དང་། མེ་བཞིན་དུ་འབར་ཞིང་གཟི་བྱིན་དང་ལྡན་ལ་དུད་པར་འཐུལ་དུ་ཟིན་ཀྱང
151a7 ང་ཁྱོད་ཀྱི་ཚིག་མིཉན་ནོ། ། ཡིད་ཆེས་པར་ཡང་མི་བྱེད་དོ།། གསུང་རབ་ཡན་ལག་དགུ་ལྟ་བུ་སྟོན་དུ་ཟིན་ཀྱང་། ང་དད་པར་མི་བྱེད་དོ་ཞེས་གྱིས་ཤིག། རིགས་ཀྱི་བུ་ཁྱེད་དེ་ལྟར
iiif viewer powered by OpenSeadragon
