| e-texts navigator |
| Wylie |
150b1 གང་ཟག་དེ་ནི་ཕྱིར་མི་འོང་བ་ཐོབ་པ་ཞེས་ཀྱང་མི་བྱའོ།། སྔར་བསྟན་པའི་ཡོན་ཏན་རྣམས་ཀྱང་ཡོད་ལ། འདིར་སྐྱེས་ནའང་སྔར་བསྟན་པའི་ཉེས་པ་རྣམས་ཀྱིས་མི་གོས་སོ།། བྱང་ཆུབ
150b2 སེམས་དཔའ་སེམས་དཔའ་ཆེན་པོ་ནི་འོང་བ་དང་འགྲོ་བའི་ཚུལ་གྱིས་རྒྱུ་བར་བྱེད་ཀྱང་ཕྱིར་མི་འོང་བའི་གྲངས་སུ་གཏོགས་ཏེ། སེམས་བསྐྱེད་མ་ཐག་པའི་ལུང་བསྟན་པས་སངས་རྒྱས་སུ
150b3 ལུང་བསྟན་པ་དང་། སེམས་བསྐྱེད་མ་ཐག་ཏུ་རིང་པོ་མི་ཐོགས་པར་སངས་རྒྱས་སུ་འགྱུར་བ་ཡིན་ཏེ། གང་ཟག་དེ་ལྟ་བུ་ནི་གང་ཟག་གསུམ་པའོ།། དགྲ་བཅོམ་པ་ཟག་པ་ཟད་པ་ནི་གང
150b4 ཟག་བཞི་པ་སྟེ། དགྲ་བཅོམ་པ་ཞེས་བྱ་བ་ནི་ཉོན་མོངས་པ་མེད་པ། ཁུར་བོར་བ། རང་གི་དོན་གྱི་བྱ་བ་བྱས་པ། དོན་གྲུབ་པ། ས་བཅུ་ཐོབ་པ་ཞེས་བྱ་བའི་དོན་ཏོ།། དོན་གཞན
150b5 ཡང་རྒྱས་པར་བྱེད་དེ། མི་སྐྱེ་བའི་ཆོས་ལ་བཟོད་པའི་ལུང་བསྟན་པས་བསྟན་པ་དང་། བདག་ཉིད་ཀྱིས་ཇི་ལྟར་ནུས་པའི་གཟུགས་དང་། ཇི་ལྟར་འདོད་པའི་གཟུགས་མངོན་པར
150b6 སྤྲུལ་པར་བྱེད་པ་དང་། གང་གིས་ལུས་ཀྱིས་སངས་རྒྱས་སུ་འགྱུར་བར་འདོད་པ་དེའི་ལུས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བར་བྱེད་དེ།
150b7 ཡོན་ཏན་འདི་རྣམས་དང་ལྡན་པ་ནི་དགྲ་བཅོམ་པ་ཞེས་བྱ་སྟེ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་ལ་གང་ཟག་བཞི་པོ་འདི་རྣམས་སྐྱེ་བོ་མང་པོ་ལ་ཕན་པ་དང་། སྐྱེ
iiif viewer powered by OpenSeadragon
