| e-texts navigator |
| Wylie |
149a1 ཆུབ་སེམས་དཔའ་སེམས་དཔའ་ཆེན་པོ་ནི་སྣ་གྲངས་འདི་བཞིས་ཆོས་སྟོན་པར་བྱེད་དོ། ། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས། བྱང་ཆུབ
149a2 སེམས་དཔའ་སྣ་གྲངས་བཞིས་ཆོས་སྟོན་པའི་ལེའུ་སྟེ་བཞི་པའོ། ། །། ཡོངས་སུ་མྱ་ངན་ལས་འདས་པ་ཆེན་པོའི་མདོ་འདི་ལ་དམ་པའི་ཆོས་ཀྱི་ཚུལ་ཐོབ་པ་དང་། དམ་པའི།
149a3 ཆོས་འབྱིན་པ་དང་། རྟེན་དུ་གྱུར་པའི་གང་ཟག་བཞི་ཡོད་དེ། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བའི་ཕྱིར་འཇིག་རྟེན་དུ་འབྱུང་ངོ་།། བཞི་གང་ཞེ་ན། ཀུན་ནས་ཉོན་མོངས
149a4 པའི་རང་བཞིན་ཅན་གྱི་མི་གང་ཟག་དེ་ལྟ་བུ་སྐྱེ་བོ་མང་པོ་ལ་བདེ་བ་དང་། སྐྱེ་བོ་མང་པོ་ལ་ཕན་པའི་ཕྱིར་འཇིག་རྟེན་དུ་འབྱུང་སྟེ། འདི་ནི་གང་ཟག་དང་པོའོ།། རྒྱུན་དུ་ཞུགས་པའི
149a5 འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་ལྡན་པའི་གང་ཟག་དེ་ལྟ་བུ་དང་ལྡན་པ་ནི་གཉིས་པའོ།། ཕྱིར་མི་འོང་བ་ནི་གསུམ་པའོ།། དགྲ་བཅོམ་པ་ནི་བཞི་པ་སྟེ། གང་ཟག
149a6 བཞི་པོ་འདི་རྣམས་ནི་རྟེན་དུ་གྱུར་པ་ཡིན་ནོ། ། དེ་ལ་སོ་སོའི་སྐྱེ་བོ་ཞེས་བྱ་བ་ནི། གང་བདག་ཉིད་ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པར་གྱུར་ན། ཆོས་འབྱིན་པར
149a7 བྱེད་པ་དང་། དེ་བཞིན་གཤེགས་པའི་རྩ་བ་དང་ལྡན་པ་གང་ཡིན་པ་དེ་དག་ཐོག་མ་ཁོ་ནར་རྒྱས་པར་བྱེད་ཅིང་། དོན་ཡང་རྟོགས་པར་བྱེད་ལ། ཆོས་འདི་ནི་འདོད་ཆེན་ཆུང་བ་ཡིན་གྱི།
iiif viewer powered by OpenSeadragon
