| e-texts navigator |
| Wylie |
148b1 མཚམས་མེད་པ་བྱེད་པ་ནི་མ་ཡིན་གྱིས། མ་གསོད་པའི་སེམས་བསྐྱེད་པ་བསུམ་པས་ན། མཚམས་མེད་པ་བྱེད་པ་དང་འདྲ་བ་ཡིན་ནོ།། ཕུང་པོ་དང་། ཁམས་དང་། སྐྱེ་མཆེད་ཀྱི་དངོས
148b2 པོ་མ་བཤིག་གི་བར་དུ། མཚམས་མེད་པ་བྱེད་པ་རྫོགས་པ་ཞེས་མི་བྱ་སྟེ། འདིར་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་རིག་པར་བྱའོ།། གསོལ་པ། བཅོམ་ལྡན་འདས་ལེགས་ལགས
148b3 སོ་ལེགས་ལགས་སོ། ། དེ་ལྟར་རྒྱུའི་དབང་གིས་རིག་པར་ཡང་བགྱི། རིག་པར་ཡང་མི་བགྱི་ལགས་སོ།། བཀའ་སྩལ་པ། རིགས་ཀྱི་བུ་དེ་བཞིན་དུ། ངས་རྒྱུའི་དབང་གིས་ཐར་པ
148b4 བརྗོད་པ་ཡིན་ནོ། ། རྒྱུའི་སྒོ་ནས་མྱ་ངན་པས་འདས་པ་ཡོན་ཏན་དཔག་ཏུ་མེད་པ་དང་ལྡན་པ། དཔེ་མེད་པ་ཁོ་ན་ཡིན་ནོ།། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོར་འགྲོ
148b5 བའང་ཡོན་ཏན་དཔག་ཏུ་མེད་པ་དང་ལྡན་པ་ཡིན་ནོ། ། དེང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་མཛད་དོ།། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོའི་དོན་ནི་དེ
148b6 ཡིན་ནོ། ། གསོལ་པ། དེ་བཞིན་གཤེགས་པ་ནི་ཟད་པར་འགྱུར་བ་མ་ལགས་སོ།། དེ་བཞིན་གཤེགས་པ་ནི་སྐུ་ཚེ་ཟད་མི་ཤེས་པ་ལགས་པར་བལྟ་བར་བགྱིའོ།། བཀའ་སྩལ་པ
148b7 རིགས་ཀྱི་བུ་ལེགས་སོ་ལེགས་སོ། ། དམ་པའི་ཆོས་བསྲུང་བས་ནི་དེ་སྐད་བྱ་བའི་རིགས་སོ།། བདག་གི་ཐེ་ཙོམ་ངེས་པར་བྱེད་འདོད་པས་ནི། དེ་ལྟར་བྱ་བའི་རིགས་སོ།། དེ་ལྟར་ན་བྱང
iiif viewer powered by OpenSeadragon
