| e-texts navigator |
| Wylie |
148a1 པ་དང་བསྐུལ་པ་ཙམ་ལས། མཚམས་མེད་པར་བགྱི་བ་བགྱིད་པ་ཞེས་བགྱི་སྟེ། འདིར་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་རིག་པར་བགྱི་བ་ལགས་སོ།། བཀའ་སྩལ།
148a2 པར་རིགས་ཀྱི་བུ་ལེགས་སོ་ལེགས་སོ།། ངས་ཀྱང་ཚིག་དེ་སྐད་དུ་སྨྲ་བར་བསམས་སོ།། རིགས་ཀྱི་བུ་གཞན་ཡང་འདི་ནི་མི་སྡིག་ཅན་པ་ལ་ཞིག་བདག་གིས་མ་བསད་དོ་སྙམ་ནས།
148a3 དགོན་པ་ཞིག་ན་ཁྲེ་རྒོད་དང་སྲན་ཆུང་གི་གཡུལ་དུ་བྱ་ར་བྱས་ནས་མ་དེར་འོངས་པ་དང་། ཁྱོད་ཀྱིས་ངའི་ཐུག་པ་ལེགས་པར་ཁྱེར་ཏེ་མ་འོངས་སོ་ཞེས་ཟེར་ཏེ། དགྲ་སྟ་བརྡར་ནས
148a4 བསད་པར་བྱས་པ་དང་། དགྲ་སྟ་བརྡར་བའི་བར་དེའི་སྐབས་སུ། དེའི་མ་སྐྲག་ནས། སོག་མའི་ཕུང་པོའི་ནང་དུ་ཞུགས་སོ།། དེ་ནས་དེས་དགྲ་སྟ་ཐོགས་ཏེ། སོག་མའི་ཕུང་པོ་ལ
148a5 བསྣུན་ནས། ད་ནི་བདག་གི་མ་ཤིའོ་སྙམ་སྟེ། མི་གཞན་གྱིས་འཇིགས་ནས། སོག་མ་ལེགས་པར་མ་བརྟགས་སོ།། དེ་ནས་མ་དེ་དེའི་ནང་ནས་བྱུང་སྟེ་སོང་ངོ་།། དེ་ནས་དེ་བདག
148a6 གི་མ་ཤི་ཟིན་ནོ་སྙམ་སྟེ། སེམས་དགའ་བར་གྱུར་ན། མཚམས་མེད་པ་བྱེད་པ་ཞེས་བྱ་འམ། འོན་ཏེ་མི་བྱ།། གསོལ་པ། མ་གསོད་པ་ཞེས་མི་བགྱི་ལེགས་སོ།། ཡང་གསོལ་པ།
148a7 ཅི་ལགས། མཚམས་མ་མཆིས་པའི་ལས་ཀྱི་རྒྱུའི་དངོས་པོ་ཞུ་བར་འཚལ་ལམ། བཀའ་སྩམ་པ། ཕ་མའི་ཕུང་པོ་བཤིག་པས་མཚམས་མེད་པ་བྱེད་པ་ཞེས་བྱ་བས་དེའི་ཕྱིར། དེ
iiif viewer powered by OpenSeadragon
