| e-texts navigator |
| Wylie |
147b1 བཞིན་བཟང་ཁྱོད་ཟླ་བ་ཉ་བ་བཞིན་ཞེས་བྱ་བ་དང་། གླང་པོ་ཆེ་བཟང་ཁྱད་གངས་ཀྱི་རི་བཞིན་ཞེས་བྱ་མོད་ཀྱི་ཅི་ཟླ་བ་བཞིན་དང་འདྲའམ། བཞིན་ཡང་ཟླ་བ་དང་འདྲ་འམ། ཅི་གླང་པོ་ཆེ
147b2 རི་དང་འདྲ་འམ། རྀའང་གླང་པོ་ཆེ་དང་འདྲ་བམ། རིགས་ཀྱི་བུ་དེ་བཞིན་དུ། ཐར་པའང་དཔེ་མེད་བཞིན་དུ་སེམས་ཅན་ངེས་པར་བསྒྲལ་བའི་ཕྱིར། འདིར་རྒྱུའི་དབང་གིས་དཔེས་བསྟན
147b3 པར་རིག་པར་བྱའོ། ། ཆོས་ཀྱི་དེ་ཁོ་ན་ཉིད་ཀྱང་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་དུ་རིག་པར་བྱའོ།། གསོལ་བ། པི་སླད་དུ་དེ་བཞིན་གཤེགས་པ་རྣམ་པ་གཉིས་སུ་སྟོན་ལགས། བཀའ
147b4 སྐུལ་པ། རིགས་ཀྱི་བུ་གཞན་ཡང་དཔེར་ན་མི་ལ་ལ་ཞིག་རལ་གྲི་ཐོགས་ནས་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསད་དོ་སྙམ་སྟེ། གསོད་པར
147b5 བྱེད་ལ། དེ་བཞིན་གཤེགས་པ་ནི་ལོག་པ་ཅུང་ཟད་ཀྱང་མི་མཛད་དེ། ཞུམ་པ་མེད་ཅིང་དགྱེས་བཞིན་དུ་བཞུགས་ན། ཅི་མི་དེ་མཚམས་མེད་པ་བྱེད་པ་ཞེས་བྱ་འམ། འོན་ཏེ་མི་བྱ།
147b6 གསོལ་པ། དངོས་པོའི་སྒོ་ནས་མཚམས་མེད་པ་བགྱིད་པ་ཞེས་མི་བགྱི་ལགས་སོ།། དེ་ཅིའི་སླད་དུ་ཞེ་ན། བསགས་པའི་ཁམས་མ་བཤིག་པས་ན། དངོས་པོའི་སྒོ་ནས་མཚམས་མེད
147b7 པ་བགྱིད་པ་མ་ལགས། དེ་བཞིན་གཤེགས་པའི་སྐུ་ལ་ནི་བསགས་པའི་ཁམས་ཀྱི་བག་ཀྱང་མ་མཆིས་ཏེ། ཆོས་ཀྱི་ཁམས་ལགས་ན། ཇི་ལྟར་བཀྲོངས་སུ་རུང་། དེ་བས་ན་སེམས་བསྐྱེད།
iiif viewer powered by OpenSeadragon
