| e-texts navigator |
| Wylie |
146b1 བདེ་བར་གྱུར་ཏམ་ཞེས་དྲིས་ན། དེ་སངས་ནས་བདག་སངས་ཏེ་བདེ་བར་གྱུར་ཏོ་ཞེས་ཟེར་ཏེ། དེ་བརྒྱལ་བ་ལས་སངས་པ་བཞིན་དུ། སྲིད་པ་ཉི་ཤུ་རྩ་ལྔ་པོ་ཐམས་ཅད་ལས་གྲོལ་ནས། སངས་རྒྱས།
146b2 རྒྱ་ཡོངས་སུ་མྱ་ངན་ལས་འདས་པ་ཐོབ་པ་ཡིན་ནོ།། མཆོག་ཏུ་བདེ་བ་ཞེས་བྱ་བ་ནི། དེར་ཟད་མི་ཤེས་པའི་འདུ་ཤེས་ཀྱི་མཆོག་ཏུ་བདེ་བའི་རྣམ་པ་མང་བ་གང་ཡིན་པ་སྟེ། དེ་ན་ཡོངས་སུ་མྱ་ངན།
146b3 ལས་འདས་པ་ཡིན་ནོ།། དེ་ནི་ཐར་པ་ཡིན་ནོ།། མཆོག་ཏུ་བརྟན་པ་དང་། མི་གཡོ་བ་དང་། བདེ་བ་དང་། རྟག་པ་མྱོང་བ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ།།
146b4 བཞིན་གཤེགས་པའོ།། དེ་ནས་བཅོམ་ལྡན་འདས་ལ། འོད་སྲུངས་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ།། མ་སྐྱེས་པ་དང་། མ་བྱུང་བ་གང་ལགས
146b5 པ་དེ་ཐར་པ་ལགས། དེ་དེ་བཞིན་གཤེགས་པ་ལགས་ཞེས་བགྱིའམ། བཅོམ་ལྡན་འདས་ཀྱིས་བཀའ་སྩམ་པ། རིགས་ཀྱི་བུ་དེ་ལྟ་ལོས་ཀྱང་སྟེ། དེ་ནི་ཐར་པ་ཡིན་ནོ།། དེ་ནི་དེ་བཞིན
146b6 གཤེགས་པ་ཡིན་ནོ། ། གསོལ་པ། འོ་ན་ནམ་མཁའི་ཁམས་ཀྱང་མ་སྐྱེས་པ། མ་བྱུང་བ་ལགས་ན། ཐར་པའང་དེ་དང་འདྲ། དེ་བཞིན་གཤེགས་པའང་དེ་དང་འདྲ་ཞེས་བགྱི་འམ།
146b7 བཀའ་སྩམ་པ། དེ་ལྟ་མ་ཡིན་ཏེ། ཐར་པ་ནི་ནམ་མཁའི་ཁམས་དང་འདྲ་བ་མ་ཡིན་ནོ།། གསོལ་བ། འོ་ན་ཇི་ལྟ་བུ་ལགས། བཀའ་སུམ་པ། རིགས་ཀྱི་བུ་དཔེར་ན་བྱ་ཤང་ཤང་ཏེའུ
iiif viewer powered by OpenSeadragon
