| e-texts navigator |
| Wylie |
146a1 ཤིང་སྐྲག་ནས་ཐབས་ཅི་ཡོད་པས་རྒྱུག་ཅིང་། དྲང་སྲོང་གི་གནས་སུ་ཕྱིན་ནས་བདེ་བར་འགྱུར་ཞིང་དབུགས་ཕྱིན་པར་འགྱུར་བ་དེ་བཞིན་དུ། ཇི་ལྟར་དབུགས་ཕྱིན་ཅིང་བདེ
146a2 བར་འགྱུར་བ་དེ་ལྟ་བུར། སེམས་ཅན་མང་པོ་མྱ་ངན་ལས་འདས་པ་ཟད་མི་ཤེས་པ། སྲིད་པ་མངོན་པར་འདུ་བྱེད་པ་དང་། ཉོན་མོངས་པའི་རྣམ་པའི་དགྲ་ཐམས་ཅད་ཀྱི་ལག་ནས་ཐལ་ཏེ་ཤོར་ནས།
146a3 འཆི་བས་འཇིགས་ཤིང་སྐྲག་སྟེ། ཐབས་ཅི་ཡོད་པས་རྒྱུག་ཅིང་ཆོས་ཀྱི་དྲང་སྲོང་གི་གནས་དེ་བཞིན་གཤེགས་པ་ཐུབ་པའི་བཞུགས་ཡུལ་ཟླ་མེད་པའི་སྐྱབས་སུ་དོང་ནས་དབུགས་ཕྱིན་པར་གྱུར་ཏེ།
146a4 དེ་དག་གང་གི་ཚེ་དབུགས་ཕྱིན་ཅིང་བདེ་བར་གྱུར་པ་དེ་ནི་མྱ་ངན་ལས་འདས་པ། ཟད་མི་ཤེས་པའི་མྱ་ངན་ལས་འདས་པའོ།། །། འཕགས་པ་ཡོངས་སུ་མྱ་ངན
146a5 ལས་འདས་པ་ཆེན་པོའི་མདོ་ལས་བམ་པོ་བདུན་པ། དེ་ནས་བཅོམ་ལྡན་འདས་ལ། འོད་སྲུངས་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ།། གལ་ཏེ་དེ་ལྟ་ལགས་ན
146a6 དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པ་རྣམས་མ་མཆིས་པའི་སླད་དུ། ལུས་ཡོངས་སུ་གཏོང་བའི་སྒོ་ནས་མྱ་ངན་ལས་འདས་པ་མཆོག་ཏུ་བདེ་བ་ཐོབ་པར་མི་འགྱུར
146a7 གསུམ་ལ་སྐྱབས་སུ་མཆིས་པ་རྣམས་མྱ་ངན་ལས་འདའ་བར་མི་འགྱུར་ལགས་སོ། ། བཀའ་སྩལ་པ། ཇི་ལྟར་མི་བརྒྱལ་བ་ལས་སངས་པའི་དྲུང་དུ་མི་དག་སོང་སྟེ། ཁྱོད་སངས་ཤིང
iiif viewer powered by OpenSeadragon
