| e-texts navigator |
| Wylie |
144b1 བོར་ཏེ་ཤས་ཆེར་བདེ་བ་ནི་ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། ། འདོད་ཆགས་དང་ཞེ་སྡང་དང་གཏི་མུག་ཟད་པ། འདོད་ཆགས་དང་ཞེ་སྡང་གཏི་མུག་ཟད་པ་ཞེས
144b2 བྱ་བ་ནི། གསུམ་ཟད་པར་བྱས་ཏེ་རྩ་ནས་བཏོན་པ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཕུང་པོ་ཐམས་ཅད་སྤངས་པ་ཕུང་པོ་ཐམས་ཅད་སྤངས
144b3 པ་ཞེས་བྱ་བ་ནི། ཉེས་པ་ཐམས་ཅད་སྤངས་པ་སྟེ། ལེགས་པར་མཐོང་བའི་ཕྱིར་རོ།། དེ་ནི་ཐར་པ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། འདུས
144b4 བྱས་ཐམས་ཅད་སྤངས་པའི་དོན། འདུས་བྱས་ཐམས་ཅད་སྤངས་པའི་དོན་ཞེས་བྱ་བ་ནི། ཐར་པ་སྟེ་དགེ་བ་ཐམས་ཅད་བསྒྲུབ་པའོ།། ཐར་པ་གང་ཡིན་པ་དེ་ནི་དེ་བཞིན
144b5 གཤེགས་པའོ། ། ལམ་ཆད་པ་ལམ་ཆད་པ་ཞེས་བྱ་བ་ནི། བདག་མེད་པ་བསྒོམས་ནས། རྒྱུན་མི་འཆད་པའི་ཚུལ་གྱིས་བདག་མེད་པ་འཛིན་པ་དང་། བདག་བསྒོམས་ནས
144b6 རྒྱུན་མི་འཆད་པའི་ཚུལ་གྱིས་བདག་འཛིན་པ་དང་། གཉིས་ཀའི་ཕྱོགས་བསྒོམས་ནས། སངས་རྒྱས་ཀྱི་ཁམས་གང་ཡིན་པ་དེ་ནི་ཡོད་དོ་ཞེས་དེ་འཛིན་པ་གང་ཡིན་པ་དེ་ནི་ཐར
144b7 པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སྟོང་པ་ཉིད་སྟོང་པ་ཉིད་ཅེས་བྱ་བ་ནི། གང་གི་ཚེ་བཙལ་ཀྱང་ཅིའང་མ་རྙེད་པ་སྟེ། ཅིའང་མེད་པ་ཞེས་བྱ་བ་ནི་གཅེར
iiif viewer powered by OpenSeadragon
