| e-texts navigator |
| Wylie |
143a1 པར་སྤོང་བ་ཞེས་བྱ་བ་ནི། བདག་མེད་པ་གཟུང་བར་བསྟན་ཏེ། དེ་ནི་དེ་བཞིན་གཤེགས་པའི་སྙིང་པོ་ལ་འཇུག་པའོ།། ཇི་ལྟར་ཨེ་རན་ད་དང་འདམ་བུའི་སྡོང་བུ་ནི་འབྲས་བུ་མ
143a2 གཏོགས་པར། ཐོག་ཐག་ཏུ་སྙིང་པོ་མེད་པ་དེ་བཞིན་དུ། ལྷ་དང་། མི་དང་། ལྷ་མ་ཡིན་གྱི་ལུས་ཐམས་ཅད་ནི། དེ་བཞིན་གཤེགས་པའི་སྙིང་པོ་མ་གཏོགས་པར། ཐམས་ཅད་ཨེ་རན་ད་དང
143a3 འདམ་བུ་བཞིན་དུ་སྙིང་པོ་མེད་དོ། ། སྲིད་པའི་སྙིང་པོ་མེད་པ་ཐམས་ཅད་རྣམ་པར་སྤངས་པ་ནི་ཐར་པའོ།། ཐར་པ་ནི་རང་ལ་བརྡ་སྤྲོད་པ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།།
143a4 སྤོང་བ་སྤོང་བ་ཞེས་བྱ་བ་ནི། ལ་ཟས་མ་ཞུ་བས། ཁ་ཟས་མ་ཚོས་པ་སྤོང་བ་བཞིན་དུ། སྲིད་པ་ཐམས་ཅད་བཅད་པ་དང་སྤངས་ཏེ། དེ་ལྟར་ན་ཐར་པ་ནི་མཁས་པའོ།། ཐར་པ་གང་ཡིན།
143a5 པ་དེ་ནི་དེ་བཞིན་གཤེགས་པའོ།། རང་གི་སངས་རྒྱས་ཀྱི་ཆོས། སངས་རྒྱས་ཀྱི་ཆོས་ཞེས་བྱ་བ་ནི། ཇི་ལྟར་ཀླུ་ཤིང་གི་མེ་ཏོག་པ་མཁལ་གྱི་མེ་ཏོག་མ་ཡིན་པ་བཞིན་དུ། ཐར་པའང
143a6 དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཁམས་ཁམས་ཞེས་བྱ་བ་ནི། ཁམས་དེ་ནི་སེམས་ཅན་ཐམས་ཅད་ཀྱི་ཁམས་སོ།། སྲོག་དེ་ནི་སེམས་ཅན་ཐམས
143a7 ཅད་ཀྱི་སྲོག་གོ། ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སྐྱེ་མཆེད་སྐྱེ་མཆེད་ཅེས་བྱ་བ་ནི། གང་ལ་འབྱུང་བའི་སྒོ་ཡོད་པ་སྟེ། བདག་མེད
iiif viewer powered by OpenSeadragon
