| e-texts navigator |
| Wylie |
142b1 ཞུན་མར་ལ་ས་མར་གྱི་སྙིང་ཁུ་འབྱུང་བ་བཞིན་དུ། ཐར་པ་ནི་གནས་ཐམས་ཅད་ཡོངས་སུ་ཆད་པ་སྟེ། མར་གྱི་སྙིང་ཁུ་ལྟར་རང་བཞིན་དུ་གནས་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས
142b2 པའོ། ང་རྒྱལ་འདུལ་བ་ང་རྒྱལ་འདུལ་བ་ཞེས་བྱ་བ་ནི། ཇི་ལྟར་སའི་མངའ་བདག་རྒྱལ་པོ་ང་ནི་རྒྱལ་པོ་ཐམས་ཅད་ཀྱི་མཆོག་ཡིན་ནོ་སྙམ་པའི་ང་རྒྱལ་འདུལ་བ་བཞིན་དུ། ཐར་པ་ནི་དེ་ལྟ་མ
142b3 ཡིན་ཏེ། ཐར་པ་ནི་ང་རྒྱལ་མེད་ཅིང་ང་རྒྱལ་དུ་འཛིན་པ་མེད་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྒྱགས་པ་འདུལ་བ་རྒྱགས་པ་འདུལ་བ་ཞེས་བྱ་བ་ནི། གང་ལ་འཁྲིག
142b4 པའི་འདུན་པའི་མིང་ཡང་མེད་པ་དེ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མ་རིག་པ་འདུལ་བ་མ་རིག་པ་འདུལ་བ་ཞེས་བྱ་བ་ནི། ཇི་ལྟར་འོ་མ་ལས་གཅིག་ནས
142b5 གཅིག་ཏུ་བརྒྱུད་དེ། དྲི་མའི་ཉེས་པ་གང་དང་གང་ཟད་པར་གྱུར་པ་དེ་དང་དེ་ལས་མར་གྱི་སྙིང་ཁུ་འབའ་ཞིག་འབྱུང་བར་འགྱུར་བ་དེ་བཞིན་དུ། མ་རིག་པ་ལས་མ་རིག་པ་འབའ་ཞིག་འབྱུང་བར
142b6 འགྱུར་ཏེ། མ་རིག་པ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དབེན་པ་དབེན་པ་ཞེས་བྱ་བ་ནི། གང་ལ་ཟླ་བའི་ཆོས་གཞན་མེད་པ་སྟེ། གླང
142b7 པོ་ཆེའི་དགོན་པ་ན་གླང་པོ་ཆེ་གཅིག་པུ་རྒྱུ་ཞིང་། གཅིག་པུ་གནས་པ་བཞིན་དུ། ཐར་པའང་དེ་དང་འདྲའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྣམ་པར་སྤོང་བ་རྣམ།
iiif viewer powered by OpenSeadragon
