| e-texts navigator |
| Wylie |
142a1 ནི་དེ་ལྟ་མ་ཡིན་ཏེ། བདེ་བ་བརྟན་པ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དཔུང་གཉེན་དཔུང་གཉེན་ཞེས་བྱ་བ་ནི། ནགས་ལུང་དགོན་པ
142a2 མཆོག་ཏུ་འཇིགས་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཇི་ལྟར་རི་དགས་ཀྱི་རྒྱལ་པོའི་དཔུང་གཉེན་རི་དྭགས་གཞན་རྣམས་ལ་མེད་པ་བཞིན་ནོ།། རི་དགས་ཀྱི་རྒྱལ་པོ་ནི་འཆི་བས་འཇིགས་པ
142a3 ཐམས་ཅད་ཀྱིས་འཇིགས་པ་མེད་པ་དེ་བཞིན་དུ། ཐར་པ་དཔུང་གཉེན་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། བདེ་བ་བདེ་བ་ཞེས་བྱ་བ་ནི། རིན་པོ་ཆེའི་གླིང་དང
142a4 འདྲ་སྟེ། དེ་བཞིན་དུ་ཐར་པ་ནི་ཆོས་ཀྱི་འབྱུང་ལུང་ངོ་།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཉམ་ང་བ་མེད་པ་ཉམ་ང་བ་མེད་པ་ཞེས་བྱ་བ་ནི། ཇི་ལྟར་སྟག་གིས
142a5 འཇིགས་ཤིང་སྐྲག་ནས་ཁྲོན་པར་སོང་བའི་འོག་ཏུ། ཁྲོན་པའི་ནང་ནས་བདག་འབྱིན་ནུས་པ་སུ་ཡོད་ཅེས་ཟེར་བ་བཞིན་དུ། ཐར་པ་ནི་ཁྲོན་པ་ལྟ་བུ་མ་ཡིན་ནོ།། ཉམ་ང་བ་མེད་པ་ཞེས་བྱ
142a6 བ་ནི་ཇི་ལྟར་གྲུ་ཆག་པ་ལས་གྲུ་གཞན་ཞིག་རྙེད་དེ། རྒྱ་མཚོ་ཆེན་པོ་ལས་ངེས་པར་བརྒལ་ནས། ཉམ་ང་བ་མེད་ཅིང་བདེ་བར་འགྱུར་བ་དེ་བཞིན་དུ། ཐར་པ་ནི་ཉམ་ང་བ་མེད་པའོ།། ཐར་པ
142a7 གང་ཡིན་པ་དེ་ནི་དེ་བཞིན་གཤེགས་པའོ། ། གནས་བཅོམ་པ་ཞེས་བྱ་བ་ནི། གོ་སྐབས་ཟད་པ་སྟེ། ཇི་ལྟར་འོ་མ་ལས་ཞོ་འབྱུང་།། ཞོ་ལས་མར་གསར་བྱུང་། མར་གསར་ལས་ཞུན་མར་འབྱུང་།།
iiif viewer powered by OpenSeadragon
