| e-texts navigator |
| Wylie |
141b1 གང་ཡིན་པ་དེ་ནི་དེ་བཞིན་གཤེགས་པའོ། ། སྲེད་པ་དང་དགའ་བ་ཟད་པ་ཞེས་བྱ་བ་ནི། སྒྱུ་མ་སྤྲུལ་པ་དང་བྲལ་བ་ལྟ་བུ་སྟེ། གང་ལ་སྐྱེས་པ་དང་། བུད་མེད་འཁྲིག་པའི་ཆོས་ཅན་རྣམས
141b2 ཀྱིས་ཕན་ཚུན་དུ་གཏམ་ཟེར་བ་ཡོད་པ་དེ་བཞིན་དུ། ཐར་པ་ནི་དེ་ལྟ་མ་ཡིན་ཏེ། རང་བཞིན་གྱིས་ངོ་བོ་ཉིད་ཀྱིས་ཆོས་ཅན། འདོད་ཆགས་དང་། ཞེ་སྡང་དང་། གཏི་མུག་དང་བྲལ
141b3 བ་གང་ཡིན་པ་དེ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སྐོམ་པ་འདུལ་བ་སྐོམ་པ་འདུལ་བ་ཞེས་བྱ་བ་ནི། གང་ལ་སྲེད་པའི་བག་ཙམ་ཡང་མེད་པའོ།། ཡི
141b4 དགས་ཀྱི་སྲེད་པ་མེད་པ་ཆོས་ཀྱི་སྲེད་པའོ། ། ཆོས་ཀྱི་སྲེད་པ་ཞེས་བྱ་བ་ནི་སེམས་ཅན་ཐམས་ཅད་ལ་སྙིང་བརྩེ་བའོ།། ཐར་པ་ནི་ཡི་དགས་ཀྱི་སྲེད་པ་ལྟ་བུ་མ་ཡིན་ཏེ། བདག་དང་བདག་གིར
141b5 འཛིན་པ་དང་བྲལ་བ་དེ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། འགོག་པ་འགོག་པ་ཞེས་བྱ་བ་ནི་ཐར་པ་སྟེ། སྲིད་པ་ལ་ཞེན་པ་མེད་པའོ།། ཐར་པ་གང་ཡིན
141b6 པ་དེ་ནི་དེ་བཞིན་གཤེགས་པའོ། ། གནས་གནས་ཞེས་བྱ་བ་ནི་ཐར་པ་སྟེ། སྲིད་པ་ཐམས་ཅད་ལས་ངེས་པར་སྒྲོལ་ཞིང་སྐྱོབ་པ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། །
141b7 སྐྱབས་སྐྱབས་ཞེས་བྱ་བ་ནི། ཇི་ལྟར་དེ་བཞིན་གཤེགས་པ་ལ་སྐྱབས་སུ་སོང་ནས་སྐྱབས་གཞན་མི་ཚོལ་བ་ལྟ་བུའོ།། ཇི་ལྟར་རྒྱལ་པོ་ལ་སྐྱབས་སུ་འགྲོ་བ་མི་བརྟན་པ་བཞིན་དུ། ཐརཔ
iiif viewer powered by OpenSeadragon
