| e-texts navigator |
| Wylie |
140a1 ནོ། གནས་མེད་པ་ཞེས་བྱ་བ་ནི་གོ་སྐབས་མེད་པའི་ཚིག་བླ་དགས་ཏེ། གང་ལ་སྲིད་པའི་གནོད་པ་ཉི་ཤུ་རྩ་ལྔ་མེད་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན
140a2 གཤེགས་པའོ། ། ཉོན་མོངས་པ་མེད་པ་ཉོན་མོངས་པ་མེད་པ་ཞེས་བྱ་བ་ནི། ཇི་ལྟར་མིའི་ཆང་བར་སྐྱུ་རུ་ར་གཟུང་དུ་ཡོད་པ་བཞིན་དུ། ཐར་པ་ནི་དེ་དང་འདྲ་བར་ཙའང་གཟུང་དུ་མེད་དོ།། ཉོན
140a3 མོངས་པ་མེད་པ་ཞེས་བྱ་བ་ནི། ཇི་ལྟར་སྒྱུ་མ་མཁན་གྱིས་སྤྲུལ་པའི་སྒྱུ་མ་ལ་ནི་ཅིའང་གཟུང་དུ་མེད་པ་བཞིན་དུ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། །
140a4 སྐྱོན་མེད་པའི་ལུས་སྐྱོན་མེད་པའི་ལུས་ཞེས་བྱ་བ་ནི། ཇི་ལྟར་མིའོ་ལུས་ལ་སྨེ་བ་དང་། ཤུ་བ་དང་། མཛེ་དང་། པགས་པའི་ནད་དང་། སྐྱོན་རྣམས་མེད་པར་འགྱུར་བ་བཞིན་དུ།
140a5 ཐར་པ་ནི་དེ་ལྟ་མ་ཡིན་ནོ།། སྐྱོན་མེད་པའི་ལུས་ཞེས་བྱ་བ་ནི། ཇི་ལྟར་བའི་འོ་མ་རང་བཞིན་གྱིས་མདོག་གཅིག་པ་བཞིན་དུ། ཐར་པའང་མཚན་ཉིད་གཅིག་པ་སྟེ། ཐར་པ་གང་ཡིན་པ
140a6 དེ་ནི་དེ་བཞིན་གཤེགས་པའོ། ། དག་པ་དག་པ་ཞེས་བྱ་བ་ནི། ཇི་ལྟར་རྙོག་པའི་དྲི་མ་དང་འདྲེས་པའི་ཆུའི་ནང་དུ་ཀ་ཏ་ཀའི་འབྲས་བུ་བརྡར་ན་ཆུའི་རང་བཞིན་དུ་དག་པར་འགྱུར་བ་བཞིན
140a7 དུང་ཐར་པ་ནི་དེ་ལྟ་མ་ཡིན་ནོ། ། དག་པ་ཞེས་བྱ་བ་ནི། ཇི་ལྟར་ནམ་མཁའ་ལ་ཆར་བའི་ཆུ་རོ་གཅིག་ཅིང་རྣམ་པར་དག་པ་བཞིན་དུ། ཐར་པའང་དེ་དང་འདྲ་སྟེ། ཐར་པ་གང་ཡིན་པ
iiif viewer powered by OpenSeadragon
